Drowned | കാക്കയങ്ങാട് പാലപ്പുഴയില്‍ കുളിക്കാനിറങ്ങിയ വയനാട് സ്വദേശി മുങ്ങി മരിച്ചു
Apr 23, 2023, 22:18 IST
ഇരിട്ടി: (www.kvartha.com) കാക്കയങ്ങാട് പാലപ്പുഴയില്‍ വയനാട് സ്വദേശി മുങ്ങി മരിച്ചു. വയനാട് നടവയല്‍ കാഞ്ഞിരത്തിങ്കല്‍ ഷിജി ജോസഫ് (40) ആണ് മുങ്ങി മരിച്ചത്. ഞായറാഴ്ച ഉച്ചകഴിഞ്ഞ് 3.30 ഓടെ പുഴയില്‍ കുളിക്കുന്നതിനിടെയാണ് സംഭവം.
കരുവം ചാലില്‍ വിവാഹ ചടങ്ങില്‍ പങ്കെടുത്ത് തിരിച്ച് ആറളം - മണത്തണ റോഡ് വഴി വയനാട്ടിലേക്ക് പോകുന്ന ആറംഗ സംഘം പാലപ്പുഴയില്‍ നിര്‍ത്തി പുഴയില്‍ കുളിക്കുന്നതിനിടെ ഷിജി ജോസഫിനെ കാണാതാവുകയായിരുന്നു. പ്രദേശവാസികളും ഫയര്‍ ഫോഴ്‌സും തിരച്ചല്‍ നടത്തുന്നതിനിടയിലാണ് ആളെ കണ്ടെത്തിയത്. ഉടന്‍ തന്നെ പേരാവൂര്‍ താലൂക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. സംഭവമറിഞ്ഞ് മുഴക്കുന്ന് പൊലീസ് സ്ഥലത്തെത്തി അന്വേഷണമാരംഭിച്ചു.
Keywords : Kannur: Man Drowned in River, Kannur, News, Drowned, River, Hospital, Treatment, Fire Force, Police, Probe, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
