സോഷ്യൽ മീഡിയയിൽ പ്രചരിക്കുന്ന വീഡിയോയിൽ ഒരു ഉപഭോക്താവ് ഡിജിറ്റൽ മെനുവിൽ ബ്രൗസ് ചെയ്യുന്നതും ഓർഡർ നൽകുന്നതും പണമടയ്ക്കുന്നതും തയ്യാറായിക്കഴിഞ്ഞതിന് ശേഷം ടച്ച് സ്‌ക്രീനിൽ 'ഓപൺ ഡോർ' ഓപ്ഷൻ ടാപ്പുചെയ്ത് ഭക്ഷണമടങ്ങിയ പെട്ടി ശേഖരിക്കുന്നതും കാണാം. ഫുഡ് വേട്ടൈ എന്ന ഫുഡ് ബ്ലോഗറാണ് വീഡിയോ ഇൻസ്റ്റഗ്രാമിൽ പങ്കുവെച്ചത്. ഓർഡർ നൽകി നാല് മിനിറ്റിനുള്ളിൽ ഭക്ഷണം ലഭിച്ചതായി വീഡിയോയിൽ അദ്ദേഹം പറഞ്ഞു.
2020-ലാണ് ബികെവി ബിരിയാണി ആരംഭിച്ചത്. ഇടിയപ്പം, പൊറോട്ട തുടങ്ങിയ മറ്റ് വിഭവങ്ങളും ഇവർ നൽകുന്നുണ്ട്. ബികെവിയുടെ ബിരിയാണിക്ക് 220 രൂപയ്ക്കും 449 രൂപയ്ക്കും ഇടയിലാണ് വില. ചെന്നൈയിലുടനീളം ഇത്തരത്തിലുള്ള 12 കേന്ദ്രങ്ങൾ ആരംഭിക്കാനും പിന്നീട് ഇന്ത്യയിലുടനീളം പ്രവർത്തനം വ്യാപിപ്പിക്കാനും സ്റ്റാർട്ടപ്പ് പദ്ധതിയിടുന്നതായി സ്ഥാപകനും സിഇഒയുമായ ഫഹീം എസ് പറഞ്ഞു. മുൻകൂട്ടി പായ്ക്കു ചെയ്ത ഭക്ഷ്യസാധനങ്ങളും പാനീയങ്ങളും ലഭ്യമാക്കുന്ന വെൻഡിങ് മെഷീനുകൾ പലയിടത്തുമുണ്ടെങ്കിലും ബിരിയാണി പോലൊരു വിഭവം ആളില്ലാതെ ലഭിക്കുന്നത് ആദ്യമാണെന്നാണ് ഉടമകൾ പറയുന്നത്. അതേസമയം, മറ്റ് സ്റ്റാർട്ടപ്പുകളും ഓട്ടോമേറ്റഡ് ഫുഡ് സർവീസ് പരീക്ഷിക്കുന്നുണ്ട്. കഴിഞ്ഞ വർഷം, ബെംഗളൂരു ആസ്ഥാനമായുള്ള ഒരു സ്റ്റാർട്ടപ്പ് ഇഡലി നിർമാണ യന്ത്രം പുറത്തിറക്കിയിരുന്നു.
Keywords: Chennai, National, News, Video, Food, Order, Social Media, Digital, Instagram, Top-Headlines, Testing, Customers, QR Codes, Payments, Drinks, WATCH: Chennai-Based Food Startup launches India's first unmanned Takeaway.
< !- START disable copy paste -->