തിരുവനന്തപുരം: (www.kvartha.com) താമസിക്കുന്ന ഫ്‌ലാറ്റിന് താഴെ വീണ് കിടക്കുന്ന നിലയില്‍ കണ്ടെത്തിയ മീന്‍പിടുത്തതൊഴിലാളിക്ക് ദാരുണാന്ത്യം. വിഴിഞ്ഞം മതിപ്പുറത്ത് പരേതനായ മുഹമ്മദ് അബ്ദുല്‍ ഖാദറിന്റെയും ആരിഫ ബീവിയുടെയും മകന്‍ നവാസ് ഖാന്‍ (37) ആണ് മരിച്ചത്. ആശുപത്രിയില്‍ ചികിത്സയിലിരിക്കെയാണ് മരണം.
കഴിഞ്ഞ ദിവസം പുലര്‍ച്ചെ 5.30 ഓടെയാണ് നവാസിനെ ഫ്‌ലാറ്റിന് താഴെ വീണ നിലയില്‍ കണ്ടെത്തിയത്. സംസാര ശേഷിയില്ലാത്ത നവാസ് ഖാനും ഭാര്യയും രണ്ട് പെണ്‍മക്കളും മതിപ്പുറത്തെ ഫ്‌ലാറ്റില്‍ മൂന്നാം നിലയിലാണ് താമസം.
പുലര്‍ചെ 2.30 ഓടെയാണ് നവാസ് കടലില്‍ നിന്നും മീന്‍പിടുത്തം കഴിഞ്ഞ് തിരിച്ചെത്തിയത്. ഫ്‌ലാറ്റിലേക്ക് പോയ നവാസിനെ രാവിലെ നാട്ടുകാരാണ് ആദ്യം താഴെ വീണുകിടക്കുന്ന നിലയില്‍ കണ്ടത്. ഉടന്‍ തന്നെ വീട്ടുകാരെ വിവരമറിയിച്ചു. തുടര്‍ന്ന് ആദ്യം വിഴിഞ്ഞം ആശുപത്രിയിലും അവിടെ നിന്ന് മെഡികല്‍ കോളജ് ആശുപത്രിയിലും എത്തിച്ചെങ്കിലും ജീവന്‍ രക്ഷിക്കാനായില്ല.
.webp)
പോസ്റ്റുമോര്‍ടത്തിനുശേഷം മൃതദേഹം ബന്ധുക്കള്‍ക്ക് വിട്ടു നല്‍കിയ മൃതദേഹം ഖബറടക്കി. വിഴിഞ്ഞം പൊലീസ് അസ്വാഭാവിക മരണത്തിന് കേസെടുത്തു. ഭാര്യ- റൈഹാനത്ത് ബീവി, മക്കള്‍ - സനൂജ, ഹാജറ.
Keywords: News, Kerala, State, Local-News, Labours, Fishermen, Death, Vizhinjam: Fisherman died after falling from flat