രാജ്യത്തിന്റെ മതേതരത്വവും ഐക്യവും നിലനില്‍ക്കാന്‍ കോണ്‍ഗ്രസ് അധികാരത്തിലേക്ക് തിരിച്ചുവരേണ്ടതിന്റെ പ്രാധാന്യവും അദ്ദേഹം ജനങ്ങളോട് പറഞ്ഞു. അഖിലേൻഡ്യ കോണ്‍ഗ്രസ് കമിറ്റിയുടെ ആഹ്വാനപ്രകാരം ഭാരത് ജോഡോ യാത്രയുടെ തുടര്‍ചയായാണ് ഹാഥ് സെ ഹാഥ് ജോഡോ അഭിയാന്‍ കോണ്‍ഗ്രസ് സംഘടിപ്പിക്കുന്നത്.
ചടങ്ങിൽ ഡിസി സി പ്രസിഡന്റ് മാര്‍ടിന്‍ ജോര്‍ജ് അധ്യക്ഷത വഹിച്ചു. കെപിസിസി ജെനറല്‍ സെക്രടറി സോണി സെബാസ്റ്റ്യന്‍, പിഎം നിയാസ്, വിഎ നാരായണന്‍, മേയര്‍ ടിഒ മോഹനന്‍ തുടങ്ങിയവര്‍ സംസാരിച്ചു.
തുടര്‍ന്ന് കണ്ണൂര്‍ കന്റോണ്‍മെന്റ് പ്രദേശങ്ങളിലെ വീടുകളിലാണ് കെപിസിസി പ്രസിഡന്റ് സന്ദര്‍ശനം നടത്തിയത്. വീടുകളില്‍ ലഘുലേഖ വിതരണം ചെയ്യുകയും വീട്ടുകാരുമായി സംസാരിക്കുകയും ചെയ്തു.
കനത്ത വെയിലിനെയും അവഗണിച്ച് കണ്ണൂര്‍ ഡിസിസി പ്രസിഡന്റ് മാര്‍ടിന്‍ ജോര്‍ജ്, വിവിധ ഡിസിസി ഭാരവാഹികൾ, പോഷക സംഘടന നേതാക്കൾ തുടങ്ങിയവർ കെപിസിസി പ്രസിഡന്റിനൊപ്പം ഗൃഹസന്ദര്‍ശനത്തില്‍ പങ്കാളികളായി. വരും ദിവസങ്ങളില്‍ ജില്ലയിലെ വീടുകളില്‍ കോണ്‍ഗ്രസ് പ്രവര്‍ത്തകര്‍ സന്ദര്‍ശനം നടത്തും.
Keywords: Kannur, Kerala, News, Top-Headlines, K.Sudhakaran, Congress, KPCC, President, Government, Politics, Touching public sentiment, K Sudhakaran and leaders at home.