തിരുവനന്തപുരം: (www.kvartha.com) കിളിമാനൂര്‍ പനപാംകുന്നില്‍ മദ്യപിച്ചെത്തി അച്ഛനെ കഴുത്തില്‍ തോര്‍ത്ത് മുറുക്കി കൊലപ്പെടുത്തിയെന്ന കേസില്‍ ഒളിവിലായിരുന്ന മകന്‍ പിടിയില്‍. ഈന്തന്നൂര്‍ കോളനിയിലെ രാജന്‍ (65) ആണ് കൊല്ലപ്പെട്ടത്. സംഭവത്തില്‍ ഇയാളുടെ മകന്‍ രാജേഷിനെ (32) പൊലീസ് കസ്റ്റഡിയിലെടുത്തു.
കൃത്യത്തെ കുറിച്ച് കിളിമാനൂര്‍ പൊലീസ് പറയുന്നത് ഇങ്ങനെ: ബുധനാഴ്ച രാത്രി 10 മണിയോടെയായിരുന്നു നാടിനെ നടുക്കിയ സംഭവം. കഴുത്തില്‍ തോര്‍ത്തുകൊണ്ട് മുറുക്കിയ നിലയിലാണ് മൃതദേഹം കണ്ടത്. സംഭവം നടക്കുമ്പോള്‍ അച്ഛനും മകനും മാത്രമായിരുന്നു വീട്ടിലുണ്ടായിരുന്നത്.
മദ്യപിച്ചെത്തി വഴക്കിട്ട സുരാജ് അച്ഛനെ കൊലപ്പെടുത്തിയ വിവരം അയല്‍വാസികളെ അറിയിച്ച ശേഷം സ്ഥലത്തുനിന്നും രക്ഷപെട്ടു. രാജേഷ് മദ്യലഹരിയിലായതിനാല്‍ അയല്‍വാസികള്‍ ഇത് കാര്യമായി എടുത്തില്ല. അച്ഛനും മകനും തമ്മില്‍ വഴക്കിട്ട വിവരം അയല്‍വാസികള്‍ രാജന്റെ ഭാര്യയെ വിളിച്ചറിയിച്ചിരുന്നു. തുടര്‍ന്ന് ചിറയിന്‍കീഴില്‍ നിന്നും ഇവര്‍ കിളിമാനൂരിലെ വീട്ടിലെത്തിയ ശേഷമാണ് രാജന്‍ കൊല്ലപ്പെട്ടത് സ്ഥീരീകരിച്ചത്.
Keywords: News,Kerala,State,Thiruvananthapuram,Son,Father,Killed,Local-News,Arrested, Police, Thiruvananthapuram: Youth arrested in murder case