Accidental Death | എന്‍ഐഎ സംഘം സഞ്ചരിച്ച പൊലീസ് വാഹനം ഇടിച്ച് ബൈക് യാത്രികനായ ബാങ്ക് ഉദ്യോഗസ്ഥന് ദാരുണാന്ത്യം

മംഗ്ലൂറു: (www.kvartha.com) നാഷനല്‍ ഇന്‍വെസ്റ്റിഗേഷന്‍ ഏജന്‍സി (എന്‍ഐഎ) സംഘം സഞ്ചരിച്ച പൊലീസ് വാഹനം ഇടിച്ച് ബൈക് യാത്രികനായ ബാങ്ക് ഉദ്യോഗസ്ഥന് ദാരുണാന്ത്യം. പണാജെയിലെ ബാങ്ക് ചീഫ് എക്‌സിക്യൂടീവ് ഓഫീസര്‍ കൊടെ സ്വദേശി ബി ലക്ഷ്മണ നായ്ക് (50) ആണ് കൊല്ലപ്പെട്ടത്.

തിങ്കളാഴ്ച പുലര്‍ചെ നാലുമണിക്ക് മാണി-മൈസൂര്‍ പാതയില്‍ മംഗ്ലൂറിനടുത്ത ആര്യപുവിലാണ് അപകടമുണ്ടായത്. സുള്ള്യയില്‍ നിന്ന് പുത്തൂറിലേക്ക് പോവുകയായിരുന്നു പൊലീസ് വാഹനം. പുത്തൂരില്‍ നിന്ന് ബൈകില്‍ അര്‍ളപ്പദിലേക്ക് വരികയായിരുന്നു നായ്ക്. ഭാര്യയും രണ്ട് പെണ്‍മക്കളുമുണ്ട്. സംഭവത്തില്‍ പുത്തൂര്‍ ടൗണ്‍ പൊലീസ് കേസെടുത്തു.

Keywords: Sullia: Co-op Bank CEO dies after NIA's night patrol car collides head-on with his bike, Mangalore, News, Police, Accidental Death, National.