ദുബൈ: (www.kvartha.com) ജുവലറി ഉദ്ഘാടന ചടങ്ങിലെത്തിയ ബംഗ്ലാദേശ് ക്രികറ്റ് താരം ശാകിബ് അല്‍ ഹസനെ പൊതിഞ്ഞ് ആരാധകര്‍. ബുധനാഴ്ച ദുബൈയില്‍ നടന്ന ചടങ്ങില്‍ പങ്കെടുത്ത് മടങ്ങാനൊരുങ്ങവെയാണ് താരത്തിന്റെ കൂടെനിന്ന് ഫോടോയെടുക്കാന്‍ ആരാധകര്‍ കൂട്ടത്തോടെ എത്തിയത്.
ഇവരുടെ ഇടയില്‍ നിന്ന് പുറത്തുകടക്കാന്‍ ശ്രമിക്കവെ ശാഖിബിനെ ആരാധകരില്‍ ചിലര്‍ പിടിച്ചു തള്ളുന്നതും ശാഖിബിന് തല്ല് കിട്ടുന്നതും അടക്കമുള്ള വീഡിയോ ദൃശ്യങ്ങള്‍ സമൂഹ മാധ്യമങ്ങളില്‍ വൈറലായി. ആരാധകരുടെ തള്ളലില്‍ ശാഖിബ് നിലത്ത് വീഴാന്‍ പോവുന്നുമുണ്ട്. ഇന്‍ഗ്ലന്‍ഡിനെതിരായ ടി20 പരമ്പര 3-0ന് തൂത്തുവാരിയശേഷമാണ് ബംഗ്ലാദേശ് ടി20 ടീമിന്റെ നായകന്‍ കൂടിയായ ശാഖിബ് ചടങ്ങിനായി ദുബൈയിലെത്തിയത്.
കഴിഞ്ഞ ദിവസം ധാകയിലെ പ്രമോഷണല്‍ പരിപാടിയില്‍ പങ്കെടുക്കുമ്പോഴും ശാഖിബ് ആരാധക കൂട്ടത്തില്‍നിന്ന് സമാനമായ സംഭവം നേരിട്ടിരുന്നു. കനത്ത സുരക്ഷ ഒരുക്കിയിരുന്നെങ്കിലും പരിപാടി പൂര്‍ത്തിയാക്കി മടങ്ങാനൊരുങ്ങിയ ശാഖിബിന് അടുത്തെത്താനായി ആരാധകര്‍ കൂട്ടത്തോടെ എത്തിയതോടെ സുരക്ഷാ സംവിധാനങ്ങളെല്ലാം പാളുകയായിരുന്നു.
Best all-rounder For a reason - Shakib Al Hasan 😂#cricket #IndVsAus2023 #indvsaus #WPL2023 #IPL2023 #ShakibAlHasan @shakib #Bangladesh pic.twitter.com/l1AZCNKIlK
— Er. K.C Dhangar (@Er_Dhangar_) March 11, 2023
Keywords: News, World, international, Gulf, Dubai, Sports, Player, Cricket, Video, Shaqib Al Hasan gets manhandled in public chaos, nearly falls over in commercial event in Dubai