മയോസൈറ്റിസ് ബാധിച്ചതോടെ വലിയ പോരാട്ടത്തിലൂടെ ആണ് താന് കടന്നു പോകുന്നതെന്നും ഒത്തിരി യാതനകളും ബുദ്ധിമുട്ടുകളും അനുഭവിച്ചു എന്നും താരം പറയുന്നു. ഓരോ സമയവും മികച്ചതായി ഇരിക്കാനായിരുന്നു ശ്രമങ്ങള്. എന്നാല് ഒടുവില് എന്റെ നിയന്ത്രണങ്ങള്ക്കും അപ്പുറമായി കാര്യങ്ങളെന്നും സാമന്ത പറഞ്ഞു.
'മരുന്നുകള് കഴിക്കുന്നതിനൊപ്പം പാര്ശ്വഫലങ്ങളും അനുഭവിക്കേണ്ടിവന്നു. കണ്ണുകളാണ് വികാരം പ്രകടിപ്പിക്കാന് ഉപയോഗിക്കുന്ന മാധ്യമം. എന്നാല് ഭൂരിഭാഗം ദിവസങ്ങളിലും രാവിലെ എഴുന്നേല്ക്കുമ്പോള് കണ്ണുകളില് സൂചികുത്തുന്നത് പോലെയാണ് വേദന. നിങ്ങള് കണ്ടിട്ടുണ്ടാകും ഞാന് കണ്ണട ഉപയോഗിക്കുന്നത്. അത് സ്റ്റൈലിന് വേണ്ടിയൊന്നും അല്ല. ലൈറ്റുള്ള പ്രതലത്തിലേക്ക് നോക്കുമ്പോള് വലിയ ബുദ്ധിമുട്ടാണ്. ഒപ്പം കടുത്ത മൈഗ്രേനും. കഴിഞ്ഞ എട്ടുമാസത്തോളമായി ഈ ദുരിതങ്ങളിലൂടെയാണ് ഞാന് കടന്നുപോകുന്നത്', എന്നും സാമന്ത പറഞ്ഞു.
'ശാകുന്തളം'ആണ് സാമന്തയുടേതായി ഏറ്റവും ഒടുവില് റിലീസ് ചെയ്ത ചിത്രം. കാളിദാസന്റെ 'അഭിജഞാന ശാകുന്തളം' ആസ്പദമാക്കിയുള്ള സിനിമയില് മലയാളത്തിന്റെ യുവ താരം ദേവ് മോഹനാണ് നായകന്. ഗുണശേഖര് സംവിധാനം ചെയ്യുന്ന പുതിയ ചിത്രം ഏപ്രില് 14ന് റിലീസ് ചെയ്യും.
Keywords: Samantha Ruth Prabhu describes her struggle with Myositis: I wake up with pins and needles, my eyes swell from pain, Chennai, News, Actress, Social Media, Cinema, National.