Robbery | വീട്ടുകാര്‍ കുമ്പസാരത്തിനുപോയ സമയത്ത് വീട് കുത്തിത്തുറന്ന് 11 ലക്ഷം രൂപ വിലമതിക്കുന്ന 25 പവന്‍ സ്വര്‍ണവും പണവും മോഷ്ടിച്ച് കടന്നുകളഞ്ഞു

ചോറ്റാനിക്കര: (www.kvartha.com) വീട്ടുകാര്‍ കുമ്പസാരത്തിനുപോയ സമയത്ത് വീട് കുത്തിത്തുറന്ന് 11 ലക്ഷം രൂപ വിലമതിക്കുന്ന 25 പവന്‍ സ്വര്‍ണവും 15,000 രൂപയും മോഷ്ടിച്ച് കടന്നുകളഞ്ഞു. കോട്ടയത്തുപാറ കോളനിപ്പടി എപി വര്‍കി റോഡില്‍ ഞാളിയത്ത് മോഹനന്‍ തോമസിന്റെ വീട്ടിലാണ് മോഷണം നടന്നത്.

സംഭവത്തെ കുറിച്ച് ചോറ്റാനിക്കര പൊലീസ് പറയുന്നത്:

വ്യാഴാഴ്ച വൈകിട്ട് 6.30 ഓടെ മോഹനനും ഭാര്യ ജെസി ടീചറും എരുവേലി പള്ളിയില്‍ കുമ്പസാരത്തിനു പോയതായിരുന്നു. രാത്രി ഒമ്പതു മണിയോടെ തിരിച്ചെത്തിയപ്പോഴാണ് വാതില്‍ തുറന്നു കിടക്കുന്നത് ശ്രദ്ധയില്‍പ്പെട്ടത്. മുറിയിലെ അലമാരയും തുറന്നു കിടക്കുന്ന നിലയിലായിരുന്നു.

തുടര്‍ന്നു പരിശോധിച്ചപ്പോഴാണ് സ്വര്‍ണവും പണവും മോഷണം പോയതായി അറിയുന്നത്. അടുക്കളയുടെ ഭാഗത്തെ ഇരുമ്പ് ഗ്രില്‍ തകര്‍ത്താണ് കള്ളന്‍ അകത്തേക്ക് പ്രവേശിച്ചതെന്ന് വീട്ടുകാര്‍ പറഞ്ഞു. സംഭവത്തില്‍ കേസെടുത്ത് അന്വേഷണം ആരംഭിച്ചു.

Keywords: Robbers Break Into House, Steal Cash, Jewellery, Ernakulam, News, Robbery, Gold, Police, Probe, Kerala.