റിയാദ്: (www.kvartha.com) മാസപ്പിറവി ദൃശ്യമാകാത്തതിനെ തുടര്‍ന്ന് ഒമാന്‍ ഒഴികെയുള്ള ഗള്‍ഫ് രാജ്യങ്ങളില്‍ റമദാന്‍ ഒന്ന് മാര്‍ച് 23 വ്യാഴാഴ്ച ആയിരിക്കുമെന്ന് അധികൃതര്‍ അറിയിച്ചു. സഊദി അറേബ്യ, യുഎഇ, കുവൈറ്റ്, ബഹ്റൈന്‍, ഖത്വര്‍ എന്നിവിടങ്ങളില്‍ ബുധനാഴ്ച ശഅബാന്‍ 30 പൂര്‍ത്തീകരിച്ച് വ്യാഴാഴ്ച വിശുദ്ധ റമദാന്‍ മാസത്തിന് തുടക്കം കുറിക്കും.
ഒമാനില്‍ ബുധനാഴ്ചയാണ് ശഅബാന്‍ 29. മാസപ്പിറവി ദൃശ്യമായാല്‍ ഒമാനിലും വ്യാഴാഴ്ച റമദാന്‍ ഒന്ന് ആയിരിക്കും. ഇസ്ലാമിന്റെ അഞ്ച് തൂണുകളില്‍ ഒന്നാണ് നോമ്പ്. അനുഷ്ഠിക്കാന്‍ കഴിയുന്ന എല്ലാ മുസ്ലിംകള്‍ക്കും ഇത് നിര്‍ബന്ധമാണ്. ഭക്ഷണപാനീയങ്ങള്‍ ഒഴിവാക്കുന്നതിനൊപ്പം, സ്വയം അച്ചടക്കം പാലിക്കുകയും തെറ്റുകളില്‍ നിന്നകന്ന് ആരാധനകള്‍ കൊണ്ട് ധന്യമാക്കുകയും ചെയ്യുന്ന വിശുദ്ധ മാസമാണ് റമദാന്‍.
Keywords: Ramadan in Gulf, Ramadan 2023, News, World, Top-Headlines, Gulf, UAE, Dubai, Ramadan, Religion, Muslims, Fast, United Arab Emirates, Saudi Arabia, Qatar, Ramadan 2023 begins on March 23.< !- START disable copy paste -->