ഈ നടിയില്‍നിന്ന് മൊഴിയെടുത്തതായി പൊലീസ് വ്യക്തമാക്കി. ലഹരിമരുന്നു ചേര്‍ത്ത ജൂസ് നല്‍കി രണ്ടു പേര്‍ പീഡിപ്പിച്ചെന്നാണ് പരാതിക്കാരി നല്‍കിയ മൊഴി. കേസുമായി ബന്ധപ്പെട്ട് നടിയെ ഇനിയും ചോദ്യം ചെയ്യുമെന്ന് അന്വേഷണ സംഘം വ്യക്തമാക്കി. കോട്ടയം സ്വദേശിനിയായ ഇരുപത്തിനാലുകാരിയുടെ പരാതിയില്‍ നടക്കാവ് പൊലീസാണ് കേസ് അന്വേഷിക്കുന്നത്.
യുവതിയെ പ്രതികള്‍ക്കു പരിചയപ്പെടുത്തിയ കണ്ണൂര്‍ സ്വദേശിനിയായ സിനിമ സീരിയല്‍ നടിയില്‍ നിന്നും ലഭിച്ച സൂചനകള്‍ പ്രകാരം മലപ്പുറം ജില്ലയിലെ തിരൂരങ്ങാടി, പരപ്പനങ്ങാടി സ്വദേശികളായ യുവാക്കളാണ് പ്രതികളെന്നാണ് പൊലീസിന്റെ അനുമാനം. ഇവര്‍ക്കായി തിരച്ചില്‍ തുടരുകയാണ്.
ഈ മാസം നാലിനാണ് പരാതിക്കിടയാക്കിയ സംഭവം നടന്നത്. സിനിമ സീരിയല്‍ നടിയെ പരിചയപ്പെട്ട യുവതി ആദ്യം കോട്ടയത്തുനിന്ന് കണ്ണൂരിലെത്തുകയായിരുന്നു. കോഴിക്കോട്ടെ നിര്‍മാതാവിനെ കണ്ടാല്‍ സിനിമയില്‍ അവസരം ലഭിക്കുമെന്ന് നടി പറഞ്ഞതിനെ തുടര്‍ന്ന് ഇരുവരും കോഴിക്കോട്ടെത്തി. പിന്നീട് കാരപ്പറമ്പിലെ ഫ് ളാറ്റിലെത്തിച്ച് പീഡിപ്പിച്ചെന്നാണ് യുവതിയുടെ മൊഴി.
Keywords: Police To Question Serial Actress In Kozhikode Molest Case, Kozhikode, News, Police, Molestation, Complaint, Actress, Kerala.