തമിഴ്നാട് വിരുദുനഗര്‍ സ്വദേശിനി വിനോദിനി എന്ന തമന്ന (23) യാണ് മാരകായുധങ്ങളുമായി റീല്‍സ് വീഡിയോ പോസ്റ്റ് ചെയ്തത്. കോയമ്പത്തൂര്‍ സിറ്റി പൊലീസ് പ്രത്യേകസംഘം രൂപീകരിച്ചാണ് അന്വേഷണം ആരംഭിച്ചത്.
സംഭവത്തെ കുറിച്ച് കോയമ്പത്തൂര്‍ സിറ്റി പൊലീസ് കമീഷണര്‍ വി ബാലകൃഷ്ണന്‍ പറയുന്നത്:
സമൂഹമാധ്യമങ്ങള്‍ കേന്ദ്രീകരിച്ച് വീഡിയോകള്‍ പോസ്റ്റ് ചെയ്യുകയും എതിര്‍ഗാങ്ങിനെ വെല്ലുവിളിക്കുകയും പതിവാക്കിയ ആളാണ് യുവതി. മാരകായുധങ്ങളുമായാണ് മിക്ക വീഡിയോകളിലും ഇവര്‍ പ്രത്യക്ഷപ്പെട്ടിരിക്കുന്നത്. 'ഫാന്‍സ് കോള്‍ മീ തമന്ന' എന്ന ഇന്‍സ്റ്റഗ്രാം അകൗണ്ടിലൂടെയാണ് യുവതി വീഡിയോകള്‍ പോസ്റ്റ് ചെയ്തിരുന്നത്.
പ്രാഗ ബ്രദേഴ്സ് എന്ന ഇന്‍സ്റ്റഗ്രാം പേജിലും യുവതി സജീവമായിരുന്നു. ക്രിമിനല്‍ സംഘത്തില്‍പ്പെട്ട യുവാക്കളാണ് ഈ പേജില്‍ വീഡിയോകള്‍ പോസ്റ്റ് ചെയ്യുന്നത്. എതിര്‍സംഘങ്ങളെ ഭീഷണിപ്പെടുത്തുക എന്നതാണ് ഇത്തരം റീല്‍സുകളുടെ ഉദ്ദേശ്യം. തമന്ന നേരത്തെ കഞ്ചാവ് കേസിലടക്കം പിടിയിലായിട്ടുണ്ട്. 2021ലാണ് കഞ്ചാവ് കൈവശംവെച്ചതിന് യുവതിയെ അറസ്റ്റ് ചെയ്തത്.
Keywords: Police Formed A Special Team To Held Thamanna For Her Instagram Reels !, Chennai, News, Police, Social-Media, Probe, National.