Arrested | പ്രണയം നടിച്ച് യുവതിയെ പീഡിപ്പിച്ചെന്ന പരാതിയില്‍ ബസ് കന്‍ഡക്ടര്‍ അറസ്റ്റില്‍

കണ്ണൂര്‍: (www.kvartha.com) പ്രണയം നടിച്ച് യുവതിയെ വലയിലാക്കി പീഡിപ്പിക്കുകയും ബ്ലാക് മെയിലിങിന് ശ്രമിക്കുകയും ചെയ്ത ബസ് ജീവനക്കാരനായ യുവാവിനെ ചക്കരക്കല്‍ സി ഐ ശ്രീജിത് കൊടേരിയുടെ നേതൃത്വത്തിലുളള പൊലീസ് സംഘം അറസ്റ്റു ചെയ്തു. ചെമ്പിലോട് സ്വദേശി ബി റോഷിത്താ(26)ണ് അറസ്റ്റിലായത്.
         
കണ്ണൂര്‍-കൂത്തുപറമ്പ് റൂടിലോടുന്ന സ്വകാര്യ ബസിലെ കന്‍ഡക്ടറാണ് റോഷിത്. ബസില്‍ വെച്ചു സൗഹൃദം സ്ഥാപിച്ച ഇയാള്‍ യുവതിയെ നിരന്തരം ശല്യപ്പെടുത്തുകയും ശല്യം രൂക്ഷമായതോടെ യുവതി ചക്കരക്കല്‍ പൊലീസില്‍ പരാതി നല്‍കുകയുമായിരുന്നു. ഈ സംഭവത്തില്‍ ചക്കരക്കല്‍ പൊലീസ് ഇയാളെ താക്കീതു നല്‍കി വിട്ടയക്കുകയായിരുന്നു. ഇതിനു ശേഷം മറ്റൊരു ദിവസം ഇയാള്‍ യുവതിയുടെ വീട്ടില്‍ കയറി മാനഭംഗപ്പെടുത്താന്‍ ശ്രമിക്കുകയും രണ്ടു മക്കളുടെ അമ്മയായ യുവതിയുടെ നഗ്ന ചിത്രങ്ങള്‍ സമൂഹ മാധ്യമത്തിലൂടെ പ്രചരിപ്പിക്കുമെന്ന് പറഞ്ഞ് ബ്ലാക് മെയിലിങ് ചെയ്യുകയുമായിരുന്നു. തുടര്‍ന്നാണ് ചക്കരക്കല്‍ പൊലീസില്‍ യുവതിയും ബന്ധുക്കളും പരാതി നല്‍കിയത്.

Keywords:  Man arrested for molesting woman, Kannur, News, Police, Arrested, Complaint, Molestation, Kerala.