Viral Video | ഡ്രൈവറുടെ സീറ്റ് കയ്യടക്കി യാത്രക്കാരി, എഴുന്നേല്‍ക്കാന്‍ പറഞ്ഞപ്പോള്‍ വേറെ സീറ്റിലിരുന്ന് ബസ് ഓടിക്കാന്‍ ആവശ്യപ്പെട്ട് തര്‍ക്കം; വീഡിയോ വൈറല്‍

മുംബൈ: (www.kvartha.com) സമൂഹ മാധ്യമങ്ങളില്‍ പ്രത്യക്ഷപ്പെടാറുള്ള വീഡിയോകളൊക്കെ ജനം ആവേശത്തോടെയാണ് കാണുക. പല വീഡിയോകളും കയ്യടി നേടാറുമുണ്ട്. അത്തരത്തിലുള്ള ഒരു വീഡിയോ ആണ് ഇപ്പോള്‍ സമൂഹ മാധ്യമങ്ങളില്‍ പ്രചരിക്കുന്നത്. ബസ് ഡ്രൈവറും യാത്രക്കാരിയും തമ്മിലുള്ള വഴക്കാണ് വൈറല്‍ വീഡിയോയുടെ ആധാരം.

തന്റെ സീറ്റില്‍ ഇരിക്കുന്ന ഒരു സ്ത്രീയോട് എഴുന്നേല്‍ക്കാന്‍ ആവശ്യപ്പെട്ട് ഡ്രൈവര്‍ വഴക്കിടുന്നതാണ് വീഡിയോയില്‍ കാണുന്നത്. സീറ്റില്‍ നിന്ന് മാറാന്‍ ആവശ്യപ്പെട്ടപ്പോള്‍ മറ്റൊരു സീറ്റിലിരുന്ന് ബസ് ഓടിക്കാനാണ് യുവതി ഡ്രൈവറോട് ആവശ്യപ്പെടുന്നത്.

ഷിരിഷ് തോറാട്ട് എന്ന ട്വിറ്റര്‍ ഉപയോക്താവാണ് രസകരമായ ഈ വീഡയോ അപ്ലോഡ് ചെയ്തിരിക്കുന്നത്. സംഭവത്തിന് ശേഷം ബസിന് ചുറ്റും തടിച്ചുകൂടിയ പ്രദേശവാസികളാണ് വീഡിയോ പകര്‍ത്തിയത്.

ബസിന്റെ ഡ്രൈവര്‍ സീറ്റില്‍ ഒരു സ്ത്രീ ഇരിക്കുന്നത് വീഡിയോയില്‍ കാണാം. ഇതിനടുത്തായി വേറെയും ബസുകള്‍ പാര്‍ക് ചെയ്തിട്ടുണ്ട്. ഡ്രൈവര്‍ തിരികെ വന്നപ്പോള്‍, തന്റെ സീറ്റില്‍ ഇരിക്കുന്ന സ്ത്രീയെ കണ്ട് അവരോട് മാറാന്‍ ആവശ്യപ്പെട്ടു. എന്നാല്‍ യുവതി ഡ്രൈവറുമായി വഴക്കിടുകയായിരുന്നു.

എന്നാല്‍ ഇത് എവിടെയാണ് സ്ഥലമെന്ന് വ്യക്തമല്ല. എന്നിരുന്നാലും ഉത്തരേന്‍ഡ്യയിലെ ഏതോ പട്ടണമാണെന്ന് മനസിലാക്കാനാവും. ബസ് മുഴുവനും കാലിയാണെന്ന് പറയുന്ന യുവതി, താന്‍ ഇരിക്കുന്ന സീറ്റ് മാത്രമാണ് പയ്യന്‍ ആഗ്രഹിക്കുന്നതെന്നും പറയുന്നുണ്ട്.

ഈ സമയത്താണ് പിന്നിലെ സീറ്റിലിരിക്കുന്ന യുവതിയുടെ ബന്ധുവായ മുതിര്‍ന്ന സ്ത്രീ മറ്റൊരു സീറ്റില്‍ നിന്ന് ബസ് ഓടിക്കാന്‍ ഡ്രൈവറോട് ആവശ്യപ്പെടുന്നത്. അതേസമയം ഇത് പ്രാങ്ക് വീഡിയോ ആണെന്നും അവകാശപ്പെടുന്നവരുണ്ട്.

Indian travel diaries 😂😂😂 Lady and her bahu board a bus and bahu sits in the driver's seat. When the driver asks her to vacate the seat both ladies refuse and ask him to drive the bus from any other seat 😂😂😂
Only in India ! pic.twitter.com/NXScZnUlBG

— Shirish Thorat (@shirishthorat) March 12, 2023

Keywords: Lady refuses to vacate driver’s seat: Asks driver to drive bus from any other seat (Video), Mumbai, News, Social Media, Video, Twitter, Clash, National.