കാസര്‍കോട്: (www.kvartha.com) കാസര്‍കോട് പുല്ലൊടിയില്‍ ഓടിക്കൊണ്ടിരുന്ന കാറിന് തീപ്പിടിച്ചു. യാത്രക്കാര്‍ അത്ഭുതകരമായി രക്ഷപ്പെട്ടു. വാഹനം പൂര്‍ണമായും കത്തിനശിച്ചു. ഞായറാഴ്ച രാവിലെ 11.30 ഓടെയായിരുന്നു അപകടം. കാറിലുണ്ടായിരുന്ന കുട്ടികളും സ്ത്രീകളും അടക്കമുള്ള അഞ്ചുപേരും രക്ഷപ്പെട്ടു. പൊയ്നാച്ചി സ്വദേശി വേണുഗോപാലിന്റെ കാറാണ് കത്തിയത്.
പൊയ്നാച്ചിയില്‍ നിന്ന് ഒരു വിവാഹത്തിന് പങ്കെടുക്കാനായി പോകുമ്പോഴാണ് അപകടം ഉണ്ടായത്. വാഹനത്തില്‍ നിന്നും പുക ഉയരുന്നത് കണ്ട ഉടന്‍ എല്ലാവരും പുറത്തേക്കിറങ്ങിയതിനാല്‍ ആളപായം ഒഴിവായി.
ഫയര്‍ഫോഴ്സ് എത്തിയപ്പോഴേക്കും കാര്‍ പൂര്‍ണമായും കത്തിനശിച്ചിരുന്നു. വിവരമറിഞ്ഞ് വെള്ളരിക്കുണ്ട് പൊലീസും സ്ഥലത്തെത്തിയിരുന്നു.
Keywords:
Kasaragod: Running car catches fire, Kasaragod, News, Passengers, Fire, Vehicles, Police, Kerala.
