പുതിയ നിയമങ്ങൾ
* സീറ്റിലോ കമ്പാർട്ടുമെന്റിലോ കോച്ചിലോ ഒരു യാത്രക്കാരനും ഉച്ചത്തിൽ മൊബൈൽ ഫോണിൽ സംസാരിക്കാൻ പാടില്ല
* ഇയർഫോണില്ലാതെ ഉച്ചത്തിലുള്ള സംഗീതം കേൾക്കാൻ പാടില്ല
* രാത്രി 10 മണിക്ക് ശേഷം ലൈറ്റ് തെളിയിക്കരുത്
* രാത്രി 10 മണിക്ക് ശേഷം ടിടിഇക്ക് യാത്രക്കാരുടെ ടിക്കറ്റ് പരിശോധിക്കാൻ കഴിയില്ല. നിങ്ങളുടെ യാത്ര രാത്രി 10 മണിക്ക് ശേഷം ആരംഭിക്കുകയാണെങ്കിൽ, ഈ നിയമം ബാധകമല്ല.
* രാത്രി വിളക്കുകൾ ഒഴികെ എല്ലാ ലൈറ്റുകളും ഓഫ് ചെയ്യണം
* കൂട്ടമായി യാത്ര ചെയ്യുന്ന യാത്രക്കാർ രാത്രി 10 മണിക്ക് ശേഷം പരസ്‌പരം ഉച്ചത്തിൽ സംസാരിക്കാൻ പാടില്ല
* മധ്യ ബെർത്തിലെ സഹയാത്രികന് സീറ്റ് തുറന്ന് കിടക്കാൻ ലോവർ ബെർത്തുകാരൻ അനുവദിക്കേണ്ടതാണ്.
* ട്രെയിൻ സർവീസുകളിൽ ഓൺലൈനായി രാത്രി 10 മണിക്ക് ശേഷം ഭക്ഷണം നൽകാനാകില്ല. എന്നിരുന്നാലും, ഇ-കാറ്ററിംഗ് സേവനങ്ങൾ ഉപയോഗിച്ച് രാത്രിയിലും ട്രെയിനിൽ നിങ്ങളുടെ ഭക്ഷണമോ പ്രഭാതഭക്ഷണമോ മുൻകൂട്ടി ഓർഡർ ചെയ്യാം.
ലഗേജ് നിയമം
എസി കോച്ചിൽ യാത്ര ചെയ്യുന്നവർക്ക് പരമാവധി 70 കിലോഗ്രാം ലഗേജ് കൊണ്ടുപോകാം. സ്ലീപ്പർ ക്ലാസിൽ 40 കിലോയും സെക്കൻഡ് ക്ലാസിൽ 35 കിലോയും ലഗേജ് സൗജന്യമാണ്. ഇതിൽ കൂടുതൽ ലഗേജുമായി ആരെങ്കിലും യാത്ര ചെയ്താൽ പ്രത്യേകം ചാർജ് നൽകേണ്ടിവരും.
ഈ സാധനങ്ങൾ നിരോധിച്ചിരിക്കുന്നു
ഗ്യാസ് സിലിൻഡറുകൾ, കത്തുന്ന രാസവസ്തുക്കൾ, പടക്കങ്ങൾ, ആസിഡ്, ദുർഗന്ധം വമിക്കുന്ന വസ്തുക്കൾ, തുകൽ അല്ലെങ്കിൽ നനഞ്ഞ തൊലികൾ, എണ്ണ, ഗ്രീസ്, നെയ്യ്, പൊതികളിൽ കൊണ്ടുവരുന്ന സാധനങ്ങൾ, പൊട്ടുകയോ ഒടിഞ്ഞുവീഴുകയോ ചെയ്യുന്ന വസ്തുക്കൾ തുടങ്ങിയവ കൊണ്ടുപോവരുത്. നിരോധിത വസ്തുക്കൾ കൊണ്ടുപോകുന്നത് കുറ്റകരമാണ്. ഇത്തരത്തിലുള്ള ഏതെങ്കിലും വസ്തുക്കൾ കൈവശം വെച്ചാൽ റെയിൽവേ നിയമത്തിലെ സെക്ഷൻ 164 പ്രകാരം നടപടിയെടുക്കാം.
Keywords: New Delhi, National, News, Indian Railway, Train, Song, Mobile Phone, Ticket, Food, Top-Headlines, Indian Railways new rules after 10 PM in Sleeper and AC coaches.
< !- START disable copy paste -->