ആറക്ക കോഡ് ഇല്ലാതെ ഹാൾമാർക്ക് ചെയ്ത സ്വർണാഭരണങ്ങളുടെ വിൽപ്പന അടുത്ത മാസം മുതൽ നിരോധിക്കും. ഗുണമേന്മ ഉറപ്പാക്കാനാണ് തീരുമാനമെന്ന് ഉപഭോക്തൃകാര്യ, ഭക്ഷ്യ, പൊതുവിതരണ മന്ത്രാലയം ഇത് സംബന്ധിച്ച് ഔദ്യോഗിക പ്രസ്താവന നടത്തി.
കേന്ദ്ര കാബിനറ്റ് മന്ത്രി പിയൂഷ് ഗോയലിന്റെ അധ്യക്ഷതയിൽ മാർച്ച് മൂന്നിന് നടന്ന ബ്യൂറോ ഓഫ് ഇന്ത്യൻ സ്റ്റാൻഡേർഡ്‌സിന്റെ (ബിഐഎസ്) അവലോകന യോഗത്തിന് ശേഷമാണ് തീരുമാനം. ഉപഭോക്തൃ താൽപ്പര്യം കണക്കിലെടുത്ത് മാർച്ച് 31 ന് ശേഷം എച്ച്‌യുഐഡി ഇല്ലാതെ ഹാൾമാർക്ക് ചെയ്ത സ്വർണ്ണാഭരണങ്ങൾ വിൽക്കാൻ അനുവദിക്കില്ലെന്ന് ഉപഭോക്തൃകാര്യ വകുപ്പിലെ അഡീഷണൽ സെക്രട്ടറി നിധി ഖരെ പറഞ്ഞു.
ഹാൾമാർക്ക് ചെയ്‌തിരിക്കുന്ന ഓരോ ആഭരണങ്ങളിലും അടയാളപ്പെടുത്തുന്ന ആറ് പ്രതീകങ്ങളുള്ള ആൽഫാന്യൂമെറിക് ഐഡന്റിഫിക്കേഷൻ അടയാളമാണ് എച്ച്‌യുഐഡി.
Keywords: New Delhi, Gold, Sales, Ban, Secretary, Ornaments, News, National, Food, Minister, Top-Headlines, HUID, Gold jewellery sale without six-digit hallmark to be banned from next month.