ന്യൂഡെല്‍ഹി: (www.kvartha.com) നഗരത്തില്‍ വന്‍ മയക്കുമരുന്ന് വേട്ട. 60 കോടിയുടെ മയക്കുമരുന്നുമായി 14.5 കിലോ മെത്താക്വലോണുമായി മൂന്ന് ആഫ്രികന്‍ പൗരന്മാരെ അറസ്റ്റ് ചെയ്തതായി പൊലീസ് അറിയിച്ചു. നാമണി അഹുകാജൂഡെ (44), ഫ്രാങ്ക് ഔമര്‍ബ്രാഹിം (40), ചൈനിസി (34) എന്നിവരാണ് പിടിയിലായത്.
പൊലീസ് പറയുന്നത്: ഡെല്‍ഹി പൊലീസിന്റെ പ്രത്യേക സെലാണ് പരിശോധനയില്‍ മയക്കുമരുന്ന് മാഫിയയെ പിടികൂടിയത്. ഗ്രേറ്റര്‍ നോയിഡയിലെ താമസക്കാരാണ് പിടിയിലായവര്‍. ഇവര്‍ രാജ്യത്തുടനീളം നിരോധിത മയക്കുമരുന്ന് വിതരണം ചെയ്യുന്ന വലിയ ശൃംഖലയാണ്.
ഗ്രേറ്റര്‍ നോയിഡയിലെ കോളനിയിലെ ഒരു വീട്ടിലായിരുന്നു മയക്കുമരുന്ന് സൂക്ഷിച്ചിരുന്നത്. രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടത്തി പ്രതികളെ പിടികൂടിയതെന്ന് സ്പെഷല്‍ കമീഷനര്‍ ഓഫ് പൊലീസ് എച് ജി എസ് ധലിവാള്‍ പറഞ്ഞു.
Keywords: News, National, Crime, Arrested, Drugs, Police, Africa, Top-Headlines, Delhi Police busts drug cartel, 3 held