റിയാദ്: (www.kvartha.com) സഊദി അറേബ്യയിലെ ദമാമില്‍ വാഹനാപകടത്തില്‍ ഗുരുതര പരുക്കേറ്റ് ചികിത്സയില്‍ കഴിഞ്ഞിരുന്ന പ്രവാസി മലയാളി മരിച്ചു. ചിറയിന്‍കീഴ് സ്വദേശി മുഹമ്മദ് നജാം(63) ആണ് മരിച്ചത്. തിരുവനന്തപുരത്ത് മാറ്റാപ്പള്ളി കുടുംബാംഗവും മുന്‍ ഡിവൈഎസ്പിയുമായിരുന്ന പരേതനായ ഒ എം ഖാദറിന്റെ മകനാണ്.
ഒരാഴ്ച മുന്‍പ് ഓഫിസിലേക്ക് പോകവേയാണ് അപകടത്തില്‍ പെട്ടത്. ദമാമിലെ പ്രമുഖ കംപനിയില്‍ മാനേജരായി സേവനമനുഷ്ഠിച്ചു വന്നിരുന്ന മുഹമ്മദ് നജാം പ്രവാസ മേഖലയില്‍ അറിയപ്പെടുന്ന സാമൂഹിക സാംസ്‌കാരിക പ്രവര്‍ത്തകന്‍ കൂടിയായിരുന്നു. പ്രശസ്ത കൊറിയോഗ്രാഫര്‍ സജ്ന നജാം ഇദ്ദേഹത്തിന്റെ ഭാര്യയാണ്.
Keywords: News,World,international,Riyadh,Gulf,Saudi Arabia,Death,Obituary, Accident,Treatment,hospital, Dammam: Expatriate passed away