Booked | കണ്ണൂര്‍ സെന്‍ട്രല്‍ ജയിലില്‍ ബീഡിക്കെട്ടുകള്‍ കണ്ടെത്തി, പൊലീസ് കേസെടുത്തു

കണ്ണൂര്‍: (www.kvartha.com) കണ്ണൂര്‍ പളളിക്കുന്നിലുളള സെന്‍ട്രല്‍ ജയിലില്‍ നിന്നും ബീഡിക്കെട്ടുകള്‍ കണ്ടെത്തിയ സംഭവത്തില്‍ കണ്ണൂര്‍ ടൗണ്‍ പൊലീസ് കേസെടുത്ത് അന്വേഷണമാരംഭിച്ചു. ജയില്‍ വാര്‍ഡന്‍മാര്‍ നടത്തിയ പരിശോധനയില്‍ ചൊവ്വാഴ്ച വൈകുന്നേരമാണ് ബീഡിക്കെട്ടുകള്‍ ഉപേക്ഷിക്കപ്പെട്ട നിലയില്‍ കണ്ടെത്തിയത്.

ഒരാഴ്ച മുന്‍പും ജയിലില്‍ നിന്നും ബീഡിക്കെട്ടുകള്‍ പിടിച്ചെടുത്തിരുന്നു. ജയില്‍ സൂപ്രണ്ടിന്റെ പരാതിയിലാണ് പൊലീസ് കേസെടുത്തത്. നേരത്തെ ജയിലിലേക്ക് ബീഡി എറിഞ്ഞുകൊടുക്കാന്‍ ശ്രമിച്ചെന്ന സംഭവത്തില്‍ തളിപ്പറമ്പ് സ്വദേശികളായ രണ്ടു യുവാക്കള്‍ പിടിയിലായിരുന്നു. കഴിഞ്ഞ ദിവസങ്ങളില്‍ തുടര്‍ചയായി സെന്‍ട്രല്‍ ജയിലില്‍ റെയ്ഡു നടത്തുകയും മൊബൈല്‍ ഫോണുകള്‍ പിടിച്ചെടുക്കുകയും ചെയ്തിട്ടുണ്ട്.