കൊച്ചി: (www.kvartha.com) 'ഓ മൈ ഡാര്‍ലിംഗ്' എന്ന ചിത്രത്തിലെ വീഡിയോ സോംഗ് അണിയറപ്രവര്‍ത്തകര്‍ പുറത്തുവിട്ടു. 'ആശയായ് രാവില്‍ നീയേ' എന്ന് തുടങ്ങുന്ന ഗാനമാണ് പുറത്തെത്തിയത്. കേശവ് വിനോദ്, ഹൈഫ ശാജഹാന്‍ എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്.
അനിഖയുടേയും മെല്‍വിന്റേയും പ്രണയരംഗങ്ങളാണ് ഗാനരംഗത്തിന്റെ ഹൈലൈറ്റ്. ബി കെ ഹരിനാരായണന്റെ വരികള്‍ക്ക് ഈണം പകര്‍ന്നിരിക്കുന്നത് ശാന്‍ റഹ്മാനാണ്. വെള്ളിയാഴ്ച പുറത്തിറങ്ങിയ ഗാനം ഇതിനകം തന്നെ യൂട്യൂബ് ട്രെന്‍ഡിംഗില്‍ ഇടംപിടിച്ചിട്ടുണ്ട്.
പുതുതലമുറയുടെ പ്രണയത്തിന്റെ കഥ പറയുന്ന ചിത്രമായ ഓ മൈ ഡാര്‍ലിംഗ് സംവിധാനം ചെയ്തിരിക്കുന്നത് ആല്‍ഫ്രഡ് ഡി സാമുവലാണ്. ലെന, ജോണി ആന്റണി, മഞ്ജു പിള്ള, വിജയരാഘവന്‍, ശ്രീകാന്ത് മുരളി, നന്ദു, ഡെയ്ന്‍ ഡേവിസ്, ഫുക്രു തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.
Keywords: News, Kerala, State, Kochi, Entertainment, YouTube, Cinema, Top-Headlines, Latest-News, Anikha Surendran's 'Oh My Darling' video song out