കട്ടപ്പന - കുട്ടിക്കാനം റോഡിലെ വെള്ളിലാങ്കണ്ടം കുഴൽപ്പാലത്തിന് സമീപമാണ് റിസർവയോർ കയ്യേറി രണ്ടുവർഷം മുമ്പ് കാഞ്ചിയാർ പഞ്ചായത് കംഫർട് സ്റ്റേഷനും ഷോപിംഗ് കോംപ്ലക്സും നിർമിച്ചതായി പരാതി ഉയർന്നത്. മണ്ഡല മകരവിളക്ക് കാലത്ത് ഇതുവഴിയെത്തുന്ന ശബരിമല തീർഥാടകർക്ക് പ്രാഥമിക ആവശ്യങ്ങൾ നിർവഹിക്കുന്നതിനായി താൽക്കാലിക സൗജന്യ നിർമാണത്തിന് ജില്ലാ ഭരണകൂടം നൽകിയ അനുമതിയുടെ മറപിടിച്ചാണ് ലക്ഷങ്ങൾ ചിലവഴിച്ച് പഞ്ചായത് നിർമാണ പ്രവൃത്തികൾ നടത്തിയതെന്നാണ് ആരോപണം.
ജലസംഭരണിയ്ക്കുള്ളിൽ നിർമാണ പ്രവൃത്തികൾ നടക്കുന്ന കാലത്ത് തന്നെ വ്യാപകമായ പരാതികൾ ഉയർന്നിരുന്നു. ജലസംഭരണിയുടെ മേൽനോട്ടം വഹിക്കുന്ന വാഴത്തോപ്പിലെ ഡാം സേഫ്റ്റി ഡിവിഷൻ രണ്ട് ഓഫീസിലെ ചീഫ് എൻജിനീയർക്ക് അടക്കം പരാതികളും ചെന്നിരുന്നു. എന്നാൽ പരാതികളിൽ പ്രാഥമിക പരിശോധന മാത്രമാണുണ്ടായതെന്നാണ് ആക്ഷേപം. റിസർവോയറിന്റെ സംരക്ഷണത്തിനായി ദിവസവേതന അടിസ്ഥാനത്തിൽ വാചറുമാരെ നിയോഗിച്ചിട്ടുണ്ടെങ്കിലും ഇവരും കയ്യേറ്റം കണ്ടില്ലെന്ന് നടിക്കുകയായിരുന്നുവെന്ന് ആരോപണമുണ്ട്.
അതേസമയം പരാതി ശ്രദ്ധയിൽപ്പെട്ട ഉടനെ തന്നെ എക്സിക്യൂട്ടീവ് എൻജിനീയറോട് റിപ്പോർട്ട് നേടിയതായി ഡാം സേഫ്റ്റി ഓർഗനൈസേഷൻ ചീഫ് എൻജിനീയർ പറഞ്ഞു.ഡാം റിസർവോയറിലെ കൈയ്യേറ്റം സംബന്ധിച്ച് അന്വേഷണം നടത്താൻ ജില്ലാ കലക്ടറും നിർദ്ദേശം നൽകിയിട്ടുണ്ട്.
Keywords: Idukki, Kattappana, Kerala, News, Allegation, Panchayath, KSEB, Director, Enquiry, Order, Investigates, Complaint, Shabarimala Pilgrims, Top-Headlines, CMD Civil Generation Director, Pipe bridge, Comfort Station, Shopping Complex, Mandala Makaravilak, Allegation of Kanchiyar Grama Panchayath encroachment on Idukki reservoir: KSEB managing director orders inquiry.
< !- START disable copy paste -->