AITUC | അസംഘടിത തൊഴിലാളികള്‍ക്ക് ആനുകൂല്യങ്ങള്‍ വര്‍ധിപ്പിക്കണമെന്ന് എ ഐ ടി യു സി ജില്ലാകണ്‍വെന്‍ഷന്‍

കണ്ണൂര്‍: (www.kvartha.com) കേരള അസംഘടിത തൊഴിലാളി ക്ഷേമനിധി ബോര്‍ഡില്‍ നിന്നും അംഗങ്ങള്‍ക്ക് നല്‍കി വരുന്ന വിവിധ ആനുകൂല്യങ്ങള്‍ കാലാനുസൃതമായി വര്‍ധിപ്പിക്കണമെന്ന് സിപിഐ കണ്ണൂര്‍ ജില്ലാ കമിറ്റി ഓഫീസില്‍ നടന്ന കണ്ണൂര്‍ ജില്ലാ അസംഘടിത തൊഴിലാളി യൂനിയന്‍ (എ ഐ ടി യു സി) ജില്ലാ പ്രവര്‍ത്തക കണ്‍വെന്‍ഷന്‍ ആവശ്യപ്പെട്ടു.

കണ്‍വെന്‍ഷന്‍ സിപിഐ ജില്ലാ സെക്രടറി സിപി സന്തോഷ് കുമാര്‍ ഉദ് ഘാടനം ചെയ്തു. സംസ്ഥാന പ്രസിഡന്റ് അഡ്വ. സജിലാല്‍ സംഘടനാ റിപോര്‍ട് അവതരിപ്പിച്ചു. എ ഐ ടി യു സി സംസ്ഥാന വൈസ് പ്രസിഡന്റ് താവം ബാലക്യഷ്ണന്‍, പി ഗംഗാധരന്‍, പി രാജാമണി എന്നിവര്‍ പ്രസംഗിച്ചു. ടിവി നാരായണന്‍ സ്വാഗതം പറഞ്ഞു. ഭാരവാഹികള്‍: ടിവി നാരായണന്‍ (പ്രസിഡന്റ്) എ കൃഷ്ണന്‍,(സെക്രടറി).

Keywords: AITUC district convention to increase benefits for unorganized workers, Kannur, News, Increased, Meeting, Office, Politics, Kerala.