യൂത് കോണ്‍ഗ്രസ് ജില്ലാ സെക്രടറി നിമിഷ, ബ്ലോക് പ്രസിഡന്റ് ചിന്മയ് തുടങ്ങിയവരുടെ നേതൃത്വത്തിലായിരുന്നു പ്രതിഷേധം. കനത്ത സുരക്ഷാ സന്നാഹങ്ങള്‍ക്കിടയിലാണ് കരിങ്കൊടി പ്രതിഷേധം നടന്നത്. മുഖ്യമന്ത്രിക്കെതിരെ പ്രതിഷേധിച്ച യൂത് കോണ്‍ഗ്രസ് പ്രവര്‍ത്തകന്‍ ശുഹൈബിനെ ഉള്‍പ്പെടെ മൂന്നുപേരെ പൊലീസ് പ്രതിഷേധം ഉണ്ടാകുമെന്ന സൂചനയെ തുടര്‍ന്ന് കസ്റ്റഡിയിലെടുത്തിരുന്നു.
തലശ്ശേരിയിലേക്ക് മുഖ്യമന്ത്രിക്ക് സഞ്ചരിക്കാന്‍ മൂന്ന് റൂടുകള്‍ ഒരുക്കിയിരുന്നു. നാല്‍പത് വാഹനങ്ങളുടെ അകമ്പടിയോടെയാണ് മുഖ്യമന്ത്രി സഞ്ചരിക്കുന്നത്. ശനിയാഴ്ച രാവിലെ മുഖ്യമന്ത്രി പാലക്കാടുനിന്നും പ്രത്യേക ഹെലികോപ്റ്ററിലാണ് കണ്ണൂരില്‍ എത്തിയത്. മുഖ്യമന്ത്രിക്ക് സുരക്ഷ ഒരുക്കുന്നതിന്റെ ഭാഗമായി രണ്ട് യുഡിഎഫ് പ്രവര്‍ത്തകരെ പൊലീസ് മുന്‍കരുതല്‍ കസ്റ്റഡിയിലെടുത്തിരുന്നു.
ഇതിനിടെയാണ് അപ്രതീക്ഷിതമായി മുഖ്യമന്ത്രിക്കെതിരെ തലശേരി ചിറക്കരയില്‍ കരിങ്കൊടി പ്രതിഷേധം നടന്നത്. ശനിയാഴ്ച രാവിലെ പാലക്കാടുനിന്നും മുഖ്യമന്ത്രിക്കെതിരെ കരിങ്കൊടി പ്രതിഷേധം നടന്നിരുന്നു.
Keywords: Youth Congress black flag protest against Chief Minister's motorcade in Thalassery, Thalassery, News, Politics, Chief Minister, Pinarayi-Vijayan, Black Flag, Kerala.