അതേസമയം, 'സ്നേഹവും ബഹുമാനവും' എന്ന കുറിപ്പോടെ സൂര്യയും ചിത്രം പങ്കുവെച്ചിരുന്നു. സംവിധായകന്‍ സിരുത്തൈ ശിവയ്‌ക്കൊപ്പമുള്ള പുതിയ ചിത്രത്തിന്റെ ഷൂടിംഗ് തിരക്കിലാണ് സൂര്യ. കഴിഞ്ഞ കുറച്ച് മാസങ്ങളായി താരം മുംബൈയിലേക്ക് ഒരുപാട് യാത്രകള്‍ നടത്തിവരുന്നു. ഈ യാത്രയ്ക്കിടെയാകാം ഒരുപക്ഷെ ചിത്രം എടുത്തതെന്നാണ് ആരാധകര്‍ പറയുന്നത്.
സിരുത്തൈ ശിവയ്‌ക്കൊപ്പമുള്ള ബിഗ് ബജറ്റ് ചിത്രത്തിലാണ് സൂര്യ ഇപ്പോള്‍ അഭിനയിക്കുന്നത്. 1000 വര്‍ഷം മുന്‍പ് നടക്കുന്ന കഥയാണ് ചിത്രത്തിന്റെ പ്രമേയം. ദിഷ പഠാനിയാണ് നായിക. ചിത്രം പൂര്‍ത്തിയാക്കിയ ശേഷം സംവിധായകന്‍ വെട്രിമാരന്റെ വാടി വാസലിന്റെ സെറ്റില്‍ സൂര്യ ജോയിന്‍ ചെയ്യും. അക്ഷയ് കുമാറിന്റെ സൂരറൈ പൊട്രു ഹിന്ദി റീമേകിലും സൂര്യ അതിഥി വേഷത്തിലെത്തുന്നുണ്ട്.