മുംബൈ: (www.kvartha.com) ധനമന്ത്രി നിർമല സീതാരാമൻ 2023-24 ലെ കേന്ദ്ര ബജറ്റ് പ്രസംഗം ആരംഭിച്ചതോടെ ബുധനാഴ്ചത്തെ വ്യാപാരത്തിൽ ഇന്ത്യൻ ഓഹരി വിപണികൾ കുത്തനെ ഉയർന്നു. 30-ഷെയർ ബി‌എസ്‌ഇ സെൻസെക്‌സ് 480.54 പോയിന്റ് (0.81%) ഉയർന്ന് 60,034.56 ലും, എൻ‌എസ്‌ഇ നിഫ്റ്റി സൂചിക 132.95 പോയിന്റ് (0.75%) ഉയർന്ന് 17,795.10 ലും വ്യാപാരം തുടരുകയാണ്.
തന്റെ അഞ്ചാമത്തെ ബജറ്റ് അവതരണത്തിൽ സീതാരാമൻ, ഇന്ത്യൻ സമ്പദ്‌വ്യവസ്ഥയെ തിളങ്ങുന്ന നക്ഷത്രമായി ലോകം അംഗീകരിച്ചതായി പറഞ്ഞു. അമൃത് കാലിൽ (സ്വാതന്ത്ര്യത്തിന്റെ സുവർണ കാലഘട്ടം) അവതരിപ്പിക്കുന്ന ആദ്യ ബജറ്റാണിതെന്ന് ധനമന്ത്രി പറഞ്ഞു.
എല്ലാ അന്ത്യോദയയ്ക്കും മുൻഗണനാ കുടുംബങ്ങൾക്കും ഒരു വർഷത്തേക്ക് സൗജന്യ ഭക്ഷ്യധാന്യങ്ങൾ വിതരണം ചെയ്യുന്നതിനായി പ്രധാനമന്ത്രി ഗരീബ് കല്യാൺ അന്ന യോജനയ്ക്ക് കീഴിലുള്ള മുഴുവൻ ചിലവും (ഏകദേശം രണ്ട് ലക്ഷം കോടി രൂപ) സർക്കാർ വഹിക്കുന്നുണ്ടെന്ന് അവർ ബജറ്റിൽ പറഞ്ഞു.
Keywords: News,National,Minister,Mumbai,Top-Headlines,Trending,Latest-News,Budget,Budget-Expectations-Key-Announcement, Sensex jumps over 400 points as FM starts Budget speech