സ്‌കൂടര്‍ സ്റ്റാര്‍ട് ചെയ്യാനുളള ശ്രമത്തിനിടെയാണ് കത്തിനശിച്ചത്. കഴിഞ്ഞ സെപ്തംബറില്‍ വാങ്ങിയ ഇരുചക്രവാഹനം ഡിസംബറില്‍ ചെറിയ അപകടത്തില്‍പ്പെട്ടിരുന്നു. അപകട ഇന്‍ഷൂറന്‍സ് ക്ലെയിമിനായി മൂന്നാഴ്ച മുന്‍പാണ് തലശേരിയിലെത്തിച്ച് യമഹാ ഷോറൂമിനടുത്തു നിര്‍ത്തിയിട്ടിരുന്നത്.
വാഹനം തിരികെ ഉളിക്കലിലേക്ക് കൊണ്ടു പോകാനെത്തിയ ആര്യയുടെ സഹോദരന്‍ സെല്‍ഫ് അമര്‍ത്തിയിട്ടും സ്റ്റാര്‍ട് ആവാത്തതിനെ തുടര്‍ന്ന് കികര്‍ ചവുട്ടിയപ്പോള്‍ എന്‍ജിനില്‍ നിന്നും തീ പൊടുന്നനെ പടരുകയായിരുന്നു. ഇതു ശ്രദ്ധയില്‍പ്പെട്ട നാട്ടുകാരും യമഹ ഷോറൂമിലെ ജീവനക്കാരും വെളളമൊഴിച്ചു തീ അണക്കാന്‍ ശ്രമിച്ചുവെങ്കിലും തീയണക്കാന്‍ കഴിഞ്ഞില്ല. ഷോറൂം ജീവനക്കാര്‍ ഉടന്‍ ഫയര്‍ഫോഴ്സിനെ വിളിച്ചതിനെ തുടര്‍ന്ന് തലശേരിയില്‍ നിന്നും ഫയര്‍ഫോഴ്സെത്തി തീ അണച്ചുവെങ്കിലും വാഹനം പൂര്‍ണമായും കത്തിനശിക്കുകയായിരുന്നു.
Keywords: Latest-News, Kerala, Kannur, Top-Headlines, Scooter, Fire, Vehicles, Scooter catches fire.