ബംഗാള്‍ പൊലീസ് ഉടന്‍ തന്നെ ഗുജറാത്ത് പൊലീസിനെ വിവരമറിയിച്ചു. കഴിഞ്ഞ ദിവസം, ഗുജറാത്ത് പൊലീസ് സംഘവും യുവതിയുടെ സഹോദരനും ഭര്‍ത്താവും നന്ദിഗ്രാമിലെ പൊലീസ് സ്റ്റേഷനിലെത്തി. പരിശോധനയ്ക്ക് ശേഷം യുവതിയെ അവര്‍ക്ക് കൈമാറി. ഗുജറാത്ത് പൊലീസ് ധനി ബഹെനെ കൂട്ടിക്കൊണ്ടുപോകാന്‍ എത്തിയപ്പോള്‍ അത് വികാരനിര്‍ഭരമായ നിമിഷങ്ങള്‍ക്ക് വഴിവെച്ചു. ബംഗാള്‍ പൊലീസിന് ഇത് വൈകാരിക നിമിഷമായിരുന്നുവെന്ന് ഈസ്റ്റ് മെദിനിപൂര്‍ അഡീഷണല്‍ എസ്പി ശ്രദ്ധ പാണ്ഡെ പറഞ്ഞു.
'കുടുംബത്തെ വീണ്ടും ഒന്നിപ്പിക്കാന്‍ ഞങ്ങള്‍ക്ക് സഹായിക്കാനായതില്‍ എനിക്ക് അതിയായ സംതൃപ്തി തോന്നുന്നു. കുടുംബാംഗങ്ങളെ കാണാതാവുമ്പോള്‍ ഉണ്ടാകുന്ന നിസ്സഹായതയും നിരാശയും വാക്കുകളില്‍ വിവരിക്കാനാവില്ല. ദഹോദ് റൂറല്‍ പൊലീസിന്റെ സഹകരണത്തോടെയാണ് ഈ നേട്ടം സാധ്യമായത്. ആ സ്ത്രീക്ക് സന്തോഷകരമായ ജീവിതം ആശംസിക്കുന്നു', ശ്രദ്ധ പാണ്ഡെ കൂട്ടിച്ചേര്‍ത്തു. അപകടത്തില്‍ മസ്തിഷ്‌കത്തിന് ക്ഷതം സംഭവിച്ചതായും തുടര്‍ന്ന് ഓര്‍മ നഷ്ടപ്പെട്ടതായും ധനിയുടെ ബന്ധുക്കള്‍ പറഞ്ഞു. അതിനു ശേഷം ഒരു ദിവസം പെട്ടെന്ന് യുവതിയെ കാണാതാവുകയായിരുന്നു. നീണ്ട അന്വേഷണങ്ങള്‍ക്കൊടുവിലാണ് ഇരുദ്രുവങ്ങളില്‍ നിന്ന് അവര്‍ യാദൃശ്ചികമായി വീണ്ടും ഒന്നായത്.
Keywords: Latest-News, National, Top-Headlines, Accident, Gujrat, Bangal, Woman, Found, Missing, Investigates, Police, Lost Memory After Accident, Went Missing in 2017, Gujarat Woman Found in Bengal After 6 Years.
< !- START disable copy paste -->