ബിജുവിനെ എത്രയും വേഗം കണ്ടെത്തുന്നതിനുള്ള നടപടികള്‍ സ്വീകരിക്കണമെന്നും സംസ്ഥാന സര്‍കാര്‍ ഇസ്രാഈലിലെ ഇന്‍ഡ്യന്‍ എംബസിയോട് ആവശ്യപ്പെട്ടിരുന്നു. ആധുനിക കൃഷിരീതി പഠിക്കാന്‍ കേരളത്തില്‍ നിന്നുള്ള കര്‍ഷക സംഘത്തോടൊപ്പം ഇസ്രാഈലിലെത്തിയ ബിജുവിനെ 17 ന് രാത്രിയിലാണ് കാണാതായത്.
കൃഷി വകുപ്പ് പ്രിന്‍സിപല്‍ സെക്രടറി ബി അശോക് അപ്പോള്‍ തന്നെ എംബസിയെ വിവരം അറിയിച്ചു. തിരച്ചില്‍ നടത്തുന്നുവെന്ന മറുപടിയാണ് ഇസ്രാഈല്‍ അധികൃതരുടെ ഭാഗത്തുനിന്ന് ലഭിച്ചത്. ബിജു ഒഴികെയുള്ള സംഘം തിങ്കളാഴ്ച മടങ്ങിയെത്തി.
യാത്രയുടെ തുടക്കം മുതല്‍ ബിജു സംഘാംഗങ്ങളോട് അകലം പാലിച്ചിരുന്നുവെന്നാണ് അറിയുന്നത്. ആസൂത്രിതമായി ബിജു മുങ്ങിയെന്നാണ് അധികൃതരുടെ കണക്കുകൂട്ടല്‍. കഴിഞ്ഞദിവസം കൃഷിമന്ത്രിയും ഇക്കാര്യം വ്യക്തമാക്കിയിരുന്നു. കാണിനില്ലെന്ന വാര്‍ത്തയ്ക്ക് പിന്നാലെ ബിജു ഭാര്യയുമായി വാട്‌സ് ആപില്‍ ബന്ധപ്പെട്ടിരുന്നു. താന്‍ സുരക്ഷിതനാണെന്നും തന്നെ അന്വേഷിക്കേണ്ടെന്നുമായിരുന്നു ബിജു ഭാര്യയ്ക്ക് അയച്ച സന്ദേശത്തില്‍ പറഞ്ഞത്.
കഴിഞ്ഞ ഡിസംബര്‍ 20ന് ആണ് പായം കൃഷി ഭവനില്‍ ബിജുവിന്റെ അപേക്ഷ ഓണ്‍ലൈനായി ലഭിച്ചത്. പായം കൃഷി ഓഫിസറുടെ നേതൃത്വത്തില്‍ സ്ഥലപരിശോധന നടത്തിയാണ് ബിജുവിനെ തിരഞ്ഞെടുത്തത്.
Keywords: Kerala Government will ask Indian Embassy to cancel visa of Biju Kurian, farmer missing in Israel, Thiruvananthapuram, News, Missing, Farmers, Embassy, Visa, Kerala.