കണ്ണൂര്‍: (www.kvartha.com) കാറില്‍ കടത്തുകയായിരുന്ന മാരക സിന്തറ്റിക്ക് ലഹരി മരുന്നായ എം ഡി എം എയുമായി രണ്ടു പേരെ ഹൈവേ പൊലീസിന്റെ സഹായത്തോടെ ടൗണ്‍ പൊലീസ് പിടികൂടി.
നാറാത്ത് സ്വദേശികളായ ടി പി മുഹമ്മദ് ഇബ്രാഹിം (29), പികെ മുഹമ്മദ് അലി (29) എന്നിവരെയാണ് ടൗണ്‍ സ്റ്റേഷന്‍ എസ് ഐ സി എച് നസീബിന്റെ നേതൃത്വത്തില്‍ പിടികൂടിയത്.
വ്യാഴാഴ്ച രാവിലെ 8.20 ന് കണ്ണൂരില്‍ വെച്ചാണ് ലഹരി കടത്ത് സംഘം പിടിയിലായത്. പ്രതികളില്‍ നിന്ന് 35 ഗ്രാം മാരക ലഹരിമരുന്നായ എം ഡി എം എ പൊലീസ് കണ്ടെടുത്തു. ഇവര്‍ സഞ്ചരിച്ച കെ.എല്‍.13. എ.ക്യു.838 നമ്പര്‍ കാര്‍ പൊലീസ് കസ്റ്റഡിയിലെടുത്തിട്ടുണ്ട്. പ്രതികളെ ചോദ്യം ചെയ്തതിനുശേഷം കോടതിയില്‍ ഹാജരാക്കി റിമാന്‍ഡ് ചെയ്തു.