ഇതേതുടര്‍ന്ന് വിവിധ ആവശ്യങ്ങള്‍ക്കായി ഓഫിസുകളിലെത്തിയ പലര്‍ക്കും നിരാശയോടെ മടങ്ങേണ്ടിവന്നുവെന്ന പരാതിയാണ് ഉയര്‍ന്നിരിക്കുന്നത്. താലൂക് ഓഫിസിലെ ക്ലാര്‍കിന്റെ വിവാഹച്ചടങ്ങില്‍ പങ്കെടുക്കാനാണ് തഹസില്‍ദാര്‍ ഉള്‍പ്പെടെയുള്ള സഹപ്രവര്‍ത്തകര്‍ തിരുവനന്തപുരത്തേക്ക് പോയത്.
തഹസില്‍ദാര്‍ ചുമതല എല്‍എ തഹസില്‍ദാര്‍ക്ക് കൈമാറിയിരുന്നു. 71 ഉദ്യോഗസ്ഥരുള്ള താലൂക് ഓഫിസില്‍ 27 പേരാണു കഴിഞ്ഞദിവസം ഹാജരുണ്ടായിരുന്നത്. 13 വിലേജ് ഓഫിസുകളിലായി 65 ഉദ്യോഗസ്ഥരുള്ളതില്‍ 30 പേര്‍ ജോലിയില്‍ പ്രവേശിച്ചിരുന്നു. എന്നാല്‍, ചട്ടം പാലിച്ച് കലക്ടറുടെ അനുമതി വാങ്ങിയാണ് ഉദ്യോഗസ്ഥര്‍ അവധിയെടുത്തതെന്നാണ് തഹസില്‍ദാര്‍ റേച്ചല്‍ കെ വര്‍ഗീസിന്റെ വിശദീകരണം.
താലൂക്, വിലേജ് ഓഫിസുകളിലായി മുപ്പത്തഞ്ചോളം ഉദ്യോഗസ്ഥര്‍ മാത്രമാണ് വിവാഹത്തിനു പോകാന്‍ അവധിയെടുത്തതെന്നും മറ്റ് ഉദ്യോഗസ്ഥര്‍ വര്‍ക് അറേന്‍ജ് മെന്റില്‍ വിവിധയിടങ്ങളില്‍ ജോലിക്ക് പോയതാണെന്നും സേവനങ്ങള്‍ക്കു തടസ്സമുണ്ടാകാതെ ഓഫിസുകളില്‍ ക്രമീകരണം ഏര്‍പ്പെടുത്തിയിരുന്നുവെന്നും തഹസില്‍ദാര്‍ പറഞ്ഞു.
Keywords: Complaint against Kothamangalam Taluk Office, Kothamangalam, News, Complaint, Allegation, Marriage, Kerala.