പുരുഷന്മാരിലെ പ്രത്യുത്പാദന വ്യൂഹത്തിലെ പ്രധാന അവയവമാണ് പ്രോസ്റ്റേറ്റ് ഗ്രന്ഥി. മൂത്രസഞ്ചിയുടെ താഴെ, മലാശയത്തിന് മുന്നിലായാണ് ഈ ഗ്രന്ഥി സ്ഥിതിചെയ്യുന്നത്. ശുക്ലം ഉത്പാദിപ്പിക്കുകയും പുരുഷ ബീജത്തിന്‍റെ ശരിയായ പ്രവര്‍ത്തനത്തിന് സഹായിക്കുകയും ചെയ്യുക എന്നതാണ് പ്രോസ്റ്റേറ്റ് ഗ്രന്ഥിയുടെ പ്രധാന ധര്‍മം. പ്രോസ്റ്റേറ്റ് ഗ്രന്ഥിക്ക്‌ അസുഖം പിടിപെട്ടാൽ മൂത്രത്തിന്റെയും ശുക്ലത്തിന്റെയും സഞ്ചാരത്തെ ബാധിക്കും. പ്രായം കൂടുന്തോറും പ്രോസ്റ്റേറ്റ് ഗ്രന്ഥിക്ക്‌ വീക്കം ഉണ്ടാകുന്നു. പലപ്പോഴും മനുഷ്യന്റെ ജീവിത ശൈലിയെത്തന്നെ ബാധിക്കാവുന്ന മാരകമായ പ്രശ്‍നങ്ങളിലേക്ക് ഇത് വഴിവെക്കാം.
മൂത്രാശയ പ്രശ്നങ്ങൾക്ക് കാരണമാകുന്ന അധിക പ്രോസ്റ്റേറ്റ് ടിഷ്യു നീക്കം ചെയ്യുന്നത് ഉൾപെടെയുള്ള പരമ്പരാഗത ശസ്ത്രക്രിയ രീതിക്ക് പകരമാണ് മിലെപ്. വളരെ ചെറിയ എൻഡോസ്കോപിക് ഉപകരണങ്ങളാണ് ഉപയോഗിക്കുന്നതെന്നതിനാൽ മൂത്രനാളിക്കും മൂത്രശയത്തിനുമുള്ള പരുക്ക് വളരെ കുറവായിരിക്കും ഈ നൂതന ശസ്ത്രക്രിയ വഴിയെന്ന് സീനിയർ കൺസൾടന്റും ലേസർ എൻഡോയൂറോളജി പ്രോഗ്രാം ഡയറക്ടറുമായ ഡോ. സന്ദീപ് പ്രഭാകരൻ പറഞ്ഞു.
മൂത്രനാളിയിലെ വ്യാസക്കുറവ് ചില രോഗികളിൽ ലേസർ ശസ്ത്രക്രിയ ചെയ്യാൻ തടസം സൃഷ്ടിക്കാറുണ്ട്. ഇത്തരം രോഗികളിലും സുരക്ഷിതമായും സങ്കീർണതകൾ ഇല്ലാതെയും മിലെപ് ശസ്ത്രക്രിയ ചെയ്യാനാവും. ശസ്ത്രക്രിയയ്ക്ക് ശേഷമുള്ള പ്രശ്നനങ്ങളും കുറവാണെന്നതും ഇതിന്റെ മേന്മയാണ്.
Keywords: Kochi, Treatment, Patient, Doctor, Human, Hospital, News, Kerala, Injury, Top-Headlines, Aster Medcity introduced advanced treatment for prostate problems in men.
< !- START disable copy paste -->