ഫെബ്രുവരി 16നാണ് ത്രിപുരയില്‍ നിയമസഭ തിരഞ്ഞെടുപ്പ്. ഭരണകക്ഷിയായ ബിജെപിയെ തോല്‍പിക്കാന്‍ സിപിഎമും കോണ്‍ഗ്രസും തമ്മില്‍ തിരഞ്ഞെടുപ്പ് ധാരണയില്‍ എത്തിയിരുന്നു. ഇരുപാര്‍ടികളും സീറ്റുപങ്കിട്ടാണ് മത്സരിക്കുന്നത്. ഇതുപ്രകാരം മൊബോഷര്‍ അലിയുടെ മണ്ഡലം കോണ്‍ഗ്രസിന് വിട്ടുകൊടുത്തിരുന്നു. കോണ്‍ഗ്രസിലെ ബിരജിത് സിന്‍ഹയാണ് ഇവിടെ മത്സരിക്കുക.
-Billal-Mia-(R)-Moboshar.jpg "(L) Billal Mia (R) Moboshar Ali")
സ്ഥാനാര്‍ഥി പട്ടിക പ്രഖ്യാപനത്തിന് തൊട്ടുപിന്നാലെയാണ് സിപിഎമില്‍ പ്രശ്നങ്ങള്‍ ഉടലെടുത്തത്. മൊബോഷര്‍ അലി ബിജെപിയില്‍ ചേരുന്നുവെന്ന കാര്യം സിപിഎം സംസ്ഥാന സെക്രടറി ജിതേന്ദ്ര ചൗധരി സ്ഥിരീകരിച്ചു.
ജിതേന്ദ്ര ചൗധരിയുടെ പ്രതികരണം ഇങ്ങനെ:
ഞങ്ങള്‍ അതേക്കുറിച്ച് കേട്ടിരുന്നു. അന്വേഷണത്തില്‍ അത് സത്യമാണെന്ന് സ്ഥിരീകരിച്ചു. സിപിഎമിന്റെ സജീവ നേതാവായിരുന്ന മൊബോഷര്‍ അലി ബിജെപിയില്‍ ചേര്‍ന്നത് ദൗര്‍ഭാഗ്യകരമാണ്. നിലവിലെ രാഷ്ട്രീയ സാഹചര്യത്തില്‍ ജനാധിപത്യം സംരക്ഷിക്കുന്നതിനായി ഞങ്ങള്‍ കോണ്‍ഗ്രസുമായി സീറ്റ് നീക്കുപോക്ക് നടത്തിയിരുന്നു. മൊബോഷറുമായി കൂടിയാലോചിച്ച ശേഷമാണ് ഈ സീറ്റ് കോണ്‍ഗ്രസ് സ്ഥാനാര്‍ഥിക്ക് വിട്ടുകൊടുത്തത്. ഇത്തവണ മത്സരിക്കില്ലെന്ന് അദ്ദേഹം തന്നെ പറഞ്ഞിരുന്നു. പക്ഷേ, അവസാനഘട്ടത്തിലുള്ള ഈ മനംമാറ്റം നിര്‍ഭാഗ്യകരമാണ്.
മൊബോഷറിനെ പാര്‍ടിയില്‍നിന്ന് ആരും പിന്തുണയ്ക്കില്ല. ഇത്തവണ അദ്ദേഹത്തിന് സീറ്റ് നല്‍കാന്‍ ഞങ്ങള്‍ക്ക് കഴിഞ്ഞില്ല എന്നത് ശരിയാണ്. പക്ഷേ ഇത്തരമൊരുനീക്കം പ്രതീക്ഷിച്ചിരുന്നില്ല. മൊബോഷര്‍ പാര്‍ടി വിട്ടത് സിപിഎമിന്റെയും കോണ്‍ഗ്രസിന്റെയും ബന്ധത്തെ ബാധിക്കില്ല.
Keywords: Tripura: CPM MLA Moboshar Ali set to join BJP, Congress leader Billal Mia in TIPRA Motha, Tripura, News, Politics, Assembly Election, BJP, CPM, Congress, National.