1991ല്‍ എടുത്ത ഔദ്യോഗിക ചിത്രത്തിലും 1997ലെ വാനിറ്റി ഫയര്‍ ഫോടോ ഷൂടിലും ഡയാന ഈ ഗൗണ്‍ ധരിച്ചിരുന്നു. ബ്രിടീഷ് ഡിസൈനറായ വിക്ടര്‍ എഡല്‍സ്റ്റീനാണ് വസ്ത്രം രൂപകല്‍പന ചെയ്തത്. 1989ലെ ഓട്ടം കലക്ഷന്റെ ഭാഗമായാണ് വസ്ത്രം നിര്‍മിച്ചത്. കിരീട ആകൃതിയിലാണ് ഗൗണിന്റെ രൂപകല്‍പന. 1982 മുതല്‍ 1993 വരെ എഡല്‍സ്റ്റീല്‍ ഡയാനയ്ക്ക് വേണ്ടി വസ്ത്രങ്ങള്‍ ഡിസൈന്‍ ചെയ്തിട്ടുണ്ട്.
1997ല്‍ 24,150 ഡോളറിന് ഈ വസ്ത്രം ആദ്യമായി ലേലത്തില്‍ പോയിരുന്നു. അക്കൊല്ലം ഡയാന ലേലത്തില്‍ വില്‍ക്കാന്‍ തീരുമാനിച്ച കോക്ടെയ്ല്‍, ഈവനിങ് വസ്ത്രങ്ങളിലൊന്നായിരുന്നു ഇത്. ഡയാനയുടെ വസ്ത്രങ്ങള്‍ മുമ്പും വന്‍തുകയ്ക്ക് ലേലത്തില്‍ വിറ്റുപോയിട്ടുണ്ട്. അതില്‍ ഏറ്റവും ഉയര്‍ന്ന തുക ഇത്തവണത്തേതാണ്.
എയ്ഡ്സ്, കാന്‍സര്‍ രോഗികളുടെ ചികിത്സയ്ക്കും മറ്റുമായി ഡയാനയുടെ 79 ഗൗണുകള്‍ ലേലത്തില്‍ വിറ്റ് 30 ലക്ഷം ഡോളറാണ് സമാഹരിച്ചിട്ടുള്ളത്. 2019ല്‍ അവരുടെ കറുത്ത ഗൗണ്‍ 3,47,000 ഡോളറിന് ലേലം ചെയ്തിരുന്നു. 1997 ലാണ് ഡയാനയുടെ വസ്ത്രങ്ങള്‍ ലേലം ചെയ്യാന്‍ ആരംഭിച്ചത്. ആദ്യ ലേലത്തില്‍ 24,150 ഡോളര്‍ ലഭിച്ചു.
1997 ഓഗസ്റ്റ് 31ന് ഫ്രാന്‍സിലെ പാരിസില്‍ വച്ച് കാറപകടത്തിലാണ് ഡയാന മരിച്ചത്. ബ്രിടിഷ് രാജകുടുംബാംഗങ്ങളില്‍ യുകെ ജനതയ്ക്ക് ഏറെ പ്രിയപ്പെട്ടവളായിരുന്നു ഡയാന.
Keywords: Princess Diana's Gown Auctioned For Close To ₹ 5 Crore In New York, New York, News, Auction, Trending, World.