തൃശൂര്‍: (www.kvartha.com) തൃശൂര്‍ നഗരത്തില്‍ കൈ ഞരമ്പ് മുറിച്ച് രക്തം വാര്‍ന്ന് അവശനിലയില്‍ കണ്ടെത്തിയ യുവാവിനെ ആശുപത്രിയില്‍ പ്രവേശിപ്പിച്ചു. തലോര്‍ സ്വദേശി കാട്ടുങ്ങല്‍ വീട്ടില്‍ കെ പി സനിലിനെ (28) ആണ് രക്തം വാര്‍ന്ന് പൂങ്കുന്നം എലൈറ്റ് സൂപര്‍ മാര്‍കറ്റിനു സമീപം അവശ നിലയില്‍ കണ്ടെത്തിയത്.
പ്രദേശവാസികള്‍ വിവരമറിയിച്ചതിനെ തുടര്‍ന്ന് പൊലീസ് സ്ഥലത്തെത്തി. തുടര്‍ന്ന് തൃശൂര്‍ ആക്ടസ് പ്രവര്‍ത്തകര്‍ ഇയാളെ തൃശൂര്‍ ജെനറല്‍ ആശുപത്രിയില്‍ എത്തിക്കുകയായിരുന്നു. യുവാവ് ആത്മഹത്യയ്ക്ക് ശ്രമിച്ചതെന്നാണ് പൊലീസിന്റെ പ്രാഥമിക നിഗമനം. അബോധാവസ്ഥയിലായ യുവാവിനെ സുഖം പ്രാപിച്ചശേഷം ചോദ്യം ചെയ്യുമെന്ന് പൊലീസ് അറിയിച്ചു.
Keywords: Man found injured in Thrissur, Thrissur, News, Local News, Police, Injured, Hospital, Treatment, Kerala.