Dead | ബിഹാറില്‍ സരസ്വതി പൂജയോടനുബന്ധിച്ചുള്ള ഘോഷയാത്രക്കിടെ വിദ്യാര്‍ഥി വെടിയേറ്റുമരിച്ചു
Jan 28, 2023, 21:20 IST
പട്‌ന: (www.kvartha.com) ബിഹാറില്‍ സരസ്വതി പൂജയോടനുബന്ധിച്ചുള്ള ഘോഷയാത്രക്കിടെ വിദ്യാര്‍ഥി വെടിയേറ്റുമരിച്ചു. പട്‌നയിലെ ഗാന്ധി മൈതാന് സമീപം വെള്ളിയാഴ്ച രാത്രിയാണ് ദുരന്തം സംഭവിച്ചത്. ജെഹാനാബാദ് സ്വദേശിയായ ധീരജ് കുമാറാണ് മരിച്ചതെന്ന് പൊലീസ് അറിയിച്ചു.
സരസ്വതി പൂജയുടെ ഭാഗമായി വിഗ്രഹ നിമജ്ജനത്തിനോടനുബന്ധിച്ച് നടത്തിയ ഘോഷയാത്ര ഗാന്ധി മൈതാനത്തിന് സമീപം എത്തിയപ്പോഴാണ് വിദ്യാര്‍ഥിക്ക് വെടിയേറ്റത്. ഗുരുതരമായി പരുക്കേറ്റ ധീരജ് കുമാറിനെ ഉടന്‍തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ലെന്ന് പട്‌ന എസ് പി മാനവ് ജിത് സിങ് ധിലന്‍ പറഞ്ഞു.
ജാഥയില്‍ ഉണ്ടായിരുന്നവരില്‍ ഒരാള്‍ തോക്കുപയോഗിച്ച് വെടിയുതിര്‍ക്കുകയായിരുന്നുവെന്നും അബദ്ധത്തില്‍ ധീരജിന് വെടിയേല്‍ക്കുകയായിരുന്നുവെന്നുമാണ് റിപോര്‍ട്. സംഭവത്തിന്റെ ദൃശ്യങ്ങള്‍ പുറത്തുവന്നിട്ടുണ്ട്. പ്രതിക്കായി തിരച്ചില്‍ ഊര്‍ജിതമാക്കിയതായും അന്വേഷണം പുരോഗമിക്കുകയാണെന്നും പൊലീസ് അറിയിച്ചു.
Keywords: Man died in celebratory firing during idol immersion procession in Bihar, Patna, News, Police, Report, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
