Food poisoning | മല്ലപ്പള്ളിയില് മാമോദിസാ ചടങ്ങിനിടെ ഭക്ഷ്യവിഷബാധ; വയറിളക്കവും ഛര്ദിയും അനുഭവപ്പെട്ട് വിവിധ ആശുപത്രികളില് ചികിത്സ തേടിയത് നിരവധി പേര്
Jan 1, 2023, 17:13 IST
പത്തനംതിട്ട: (www.kvartha.com) മല്ലപ്പള്ളിയില് മാമോദിസാ ചടങ്ങിനിടെ ഭക്ഷ്യവിഷബാധ. വ്യാഴാഴ്ച നടന്ന മാമോദീസ ചടങ്ങിലെ വിരുന്നില് പങ്കെടുത്ത് ഭക്ഷണം കഴിച്ചവര്ക്കാണ് ഭക്ഷ്യവിഷബാധ അനുഭവപ്പെട്ടത്. വയറിളക്കവും ഛര്ദിയും അനുഭവപ്പെട്ട നിരവധിപേര് ഭക്ഷ്യവിഷബാധയെ തുടര്ന്ന് വിവിധ ആശുപത്രികളില് ചികിത്സ തേടി.
ഇവരില് ഒരാളുടെ നില ഗുരുതരമാണെന്നാണ് വിവരം. വ്യാഴാഴ്ച മല്ലപ്പള്ളി സെന്റ് തോമസ് പള്ളിയിലാണ് മാമോദീസ ചടങ്ങുകള് നടന്നത്. ഉച്ചയ്ക്ക് നടന്ന വിരുന്നില് സസ്യേതര വിഭവങ്ങളും ചോറുമാണ് വിളമ്പിയത്. ചെങ്ങന്നൂരില് നിന്നുള്ള കാറ്ററിങ് സ്ഥാപനമാണ് ഭക്ഷണം പാകംചെയ്ത് എത്തിച്ചത്. ഏകദേശം 190 പേര് വിരുന്നില് പങ്കെടുത്തിരുന്നു.
വെള്ളിയാഴ്ച രാവിലെ മുതലാണ് വിരുന്നില് പങ്കെടുത്ത പലര്ക്കും വയറിളക്കവും ഛര്ദിയും അനുഭവപ്പെട്ടത്. എഴുപതോളം പേര് രണ്ടുദിവസങ്ങളിലായി അടൂര്, റാന്നി, കുമ്പനാട് തുടങ്ങിയ സ്ഥലങ്ങളിലെ ആശുപത്രികളില് ചികിത്സ തേടിയെന്നാണ് വിവരം. വിരുന്നില് വിളമ്പിയ ഭക്ഷണത്തില് നിന്നാണ് വിഷബാധയേറ്റതെന്നാണ് പ്രാഥമികനിഗമനം.
സംഭവത്തില് അധികൃതര്ക്ക് പരാതി നല്കുമെന്ന് വിരുന്ന് സംഘടിപ്പിച്ചവര് പറഞ്ഞു. എന്നാല് അതേ ദിവസം മറ്റു സ്ഥലങ്ങളില് കൊടുത്ത ഭക്ഷണത്തെ കുറിച്ച് പരാതികള് ഇല്ലെന്നാണ് കാറ്ററിംഗ് സ്ഥാപനത്തിന്റെ പ്രതികരണം. മല്ലപ്പള്ളിയില് വിളമ്പിയ അതേ വിഭവങ്ങള് തന്നെ പരുമലയിലും മറ്റു രണ്ടിടങ്ങളിലും അന്നേദിവസം വിതരണം ചെയ്തിട്ടുണ്ടെന്നും അവിടെയൊന്നും പ്രശ്നങ്ങളുണ്ടായിട്ടില്ലെന്നും ചെങ്ങന്നൂരിലെ കാറ്ററിങ് സ്ഥാപനവുമായി ബന്ധപ്പെട്ടവര് അറിയിച്ചു.
Keywords: Mallapally: Food poisoning during Mamodisa ceremony, Pathanamthitta, News, Food, Injured, Hospital, Complaint, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.