Accidental Death | കോവളത്ത് റേസിങ്ങ് ബൈകിടിച്ച് വഴിയാത്രക്കാരിയായ വീട്ടമ്മ മരിച്ചു; വാഹനം ഓടിച്ചിരുന്നയാള്‍ക്ക് ഗുരുതര പരുക്ക്

തിരുവനന്തപുരം: (www.kvartha.com) കോവളം വാഴമുട്ടത്ത് റേസിങ്ങ് ബൈകിടിച്ച് വഴിയാത്രക്കാരിയായ വീട്ടമ്മ മരിച്ചു. വാഴമുട്ടം സ്വദേശിനി സന്ധ്യ(55) ആണ് മരിച്ചത്. അപകടത്തില്‍ ബൈകോടിച്ചിരുന്ന അരവിന്ദ് എന്ന യുവാവിന് ഗുരുതരമായി പരുക്കേറ്റു. ഇയാളെ തിരുവനന്തപുരം മെഡികല്‍ കോളജ് ആശുപത്രിയില്‍ പ്രവേശിപ്പിച്ചു.

ഞായറാഴ്ച രാവിലെ എട്ടുമണിയോടെയാണ് അപകടം. റോഡ് മുറിച്ചുകടക്കുകയായിരുന്ന സന്ധ്യയെ അമിതവേഗത്തിലെത്തിയ ബൈക് ഇടിച്ചുതെറിപ്പിക്കുകയായിരുന്നുവെന്നാണ് ദൃക് സാക്ഷികളില്‍ നിന്നും ലഭിക്കുന്ന വിവരം. സംഭവ സ്ഥലത്തുവച്ചുതന്നെ സന്ധ്യ മരിച്ചു.

അപകടമുണ്ടായ ഭാഗങ്ങളില്‍ ഞായറാഴ്ച ദിവസങ്ങളില്‍ യുവാക്കള്‍ ബൈക് റേസ് നടത്താറുണ്ടെന്നാണ് പ്രദേശവാസികള്‍ പറയുന്നത്. ഇതിനെതിരെ നിരവധി പരാതികളും ഉയര്‍ന്നിരുന്നു. ഒരു വര്‍ഷം മുമ്പ് രണ്ട് യുവാക്കള്‍ ഇവിടെ ബൈക് റേസിങ്ങിനിടെ മരിച്ചിരുന്നു.

Keywords: Kovalam: Woman died after hit by racing bike, Thiruvananthapuram, News, Accidental Death, Injured, Hospital, Treatment, Complaint, Kerala.