എറണാകുളം: (www.kvartha.com) കാലടിയില്‍ ഭാര്യയെ കാണാനില്ലെന്ന് പരാതി നല്‍കി മണിക്കൂറുകള്‍ക്കുള്ളില്‍ ഭര്‍ത്താവ് കൊലപാതകത്തിന് കസ്റ്റഡിയിലായി. 35 വയസുള്ള രത്‌നാവതിയാണ് കൊല്ലപ്പെട്ടത്. ഭര്‍ത്താവ് മുകേഷ് കുമാറിനെയാണ് പൊലീസ് കസ്റ്റഡിയിലെടുത്തത്.
പൊലീസ് പറയുന്നത്: വെള്ളിയാഴ്ച രാത്രി മുകേഷ് ഭാര്യയെ കാണാനില്ലെന്ന് പൊലീസ് സ്റ്റേഷനില്‍ പരാതി നല്‍കുകയായിരുന്നു. എന്നാല്‍ ഇയാളുടെ പരവേശം കണ്ട് സംശയം തോന്നിയ പൊലീസ് മുകേഷിനെ കൂടുതല്‍ ചോദ്യം ചെയ്തു. തുടര്‍ന്നാണ് കൊലപാതകവിവരം പുറത്ത് വരുന്നത്.
മുകേഷ് കുമാര്‍ ഭാര്യയെ കഴുത്ത് ഞെരിച്ചു കൊലപ്പെടുത്തുകയായിരുന്നു. സംശയമാണ് കൊലപാതക കാരണമെന്ന് പ്രതി മൊഴി നല്‍കി. തമിഴ്‌നാട് സ്വദേശികളായ ഇരുവരുടെ ഏറെ കാലമായി കാലടിയില്‍ വാടകയ്ക്ക് താമസിച്ചു വരികയായിരുന്നു.
Keywords: News,Kerala,State,Ernakulam,Crime,Killed,Complaint,Local-News,Police,police-station,Accused, Kalady: Man Killed Woman