വിമാനങ്ങള്‍ ആകാശത്തുവച്ച് കൂട്ടിയിടിക്കുകയായിരുന്നുവെന്നാണു പ്രാഥമിക നിഗമനം. രണ്ടു വിമാനങ്ങളിലെയും പൈലറ്റുമാര്‍ സുരക്ഷിതരാണെന്നാണു നേരത്തെ പുറത്തുവന്ന വിവരം. സുഖോയ്- 30 ന് രണ്ട് പൈലറ്റുമാരുണ്ടായിരുന്നു, മിറാഷ് 2000 ന് ഒരാള്‍ മാത്രമേ ഉണ്ടായിരുന്നുള്ളൂ. രണ്ട് പൈലറ്റുമാര്‍ സുരക്ഷിതരാണെന്നുള്ള വിവരം നേരത്തെ പുറത്തുവന്നിരുന്നു. മൂന്നാമത്തെ പൈലറ്റിന്റെ അവസ്ഥ അറിയാന്‍ ഒരു ഇന്‍ഡ്യന്‍ എയര്‍ഫോഴ്‌സ് (IAF) ഹെലികോപ്റ്റര്‍ അപകട സ്ഥലത്തേക്ക് തിരിച്ചിരുന്നു. തുടര്‍ന്നാണ് മരണം സ്ഥിരീകരിച്ചത്.
മൊറേനയില്‍നിന്ന് നൂറു കിലോമീറ്റര്‍ അകലെ രാജസ്താനിലെ ഭരത്പുരില്‍ വീണത് ഈ വിമാനങ്ങളുടെ അവശിഷ്ടങ്ങളെന്നാണ് സൂചന. ഇക്കാര്യം സ്ഥിരീകരിക്കാനായി പ്രതിരോധമന്ത്രാലയ ഉദ്യോഗസ്ഥര്‍ സ്ഥലത്തേക്ക് തിരിച്ചു. ഭരത്പുരില്‍ ഒരു ചാര്‍ടര്‍ വിമാനം തകര്‍ന്നുവീണുവെന്നായിരുന്നു ഭരത്പുര്‍ ജില്ലാ കലക്ടര്‍ അലോക് രഞ്ജന്‍ അറിയിച്ചിരുന്നത്. ഇത് ആശയക്കുഴപ്പം ഉണ്ടാക്കി.
അപകടം സ്ഥിരീകരിച്ച പ്രതിരോധമന്ത്രി രാജ്നാഥ് സിങ്, സംഭവവികാസങ്ങള്‍ നിരീക്ഷിക്കുന്നതായി അറിയിച്ചു. സിഡിഎസ് (ചീഫ് ഓഫ് ഡിഫന്‍സ് സ്റ്റാഫ്) ജെനറല്‍ അനില്‍ ചൗഹാന്‍, വ്യോമസേന മേധാവി എയര്‍ ചീഫ് മാര്‍ഷല്‍ വിആര്‍ ചൗധരി എന്നിവരുമായി അദ്ദേഹം സംസാരിച്ചു. സംഭവത്തില്‍ വ്യോമസേന അന്വേഷണം പ്രഖ്യാപിച്ചു.
Keywords: IAF’s Sukhoi-30 and Mirage aircraft crash in MP; 1 pilot dead, Madhya pradesh, News, Flight, Dead, Pilots, Video, National.#WATCH | Wreckage seen. A Sukhoi-30 and Mirage 2000 aircraft crashed near Morena, Madhya Pradesh. Search and rescue operations launched. The two aircraft had taken off from the Gwalior air base where an exercise was going on. pic.twitter.com/xqCJ2autOe
— ANI (@ANI) January 28, 2023