Warning | അയ്യന്‍ കുന്നില്‍ അനുമതിയില്ലാതെ സര്‍വേ നടത്തിയാല്‍ കേസെടുക്കുമെന്ന് കലക്ടര്‍

കേരള - കര്‍ണാടക അതിര്‍ത്തി പ്രദേശമായ ബ്രഹ്‌മഗിരി വന്യജീവി സങ്കേതത്തിനു ഒരു കിലോമീറ്റര്‍ ദൂരെയായി സ്ഥിതി ചെയ്യുന്ന അയ്യന്‍ കുന്ന് ജൈവ പ്രാധാന്യമുള്ള മേഖലയാണെന്നും ഇവിടെ സര്‍വേ നടത്തണമെങ്കില്‍ ചീഫ് സെക്രടറിയോട് അനുമതി വാങ്ങണമെന്നും അല്ലാതെ നടത്തുന്ന സര്‍വേയ്‌ക്കെതിരെ കേസെടുക്കുമെന്നും കലക്ടര്‍ അറിയിച്ചു.

ധാതുസമ്പത്തുക്കളുടെ വിവരങ്ങള്‍ ശേഖരിക്കുന്നതിനാണ് കേരളത്തില്‍ കര്‍ണാടക ഏജന്‍സി സര്‍വേ നടത്തിയത്. എന്നാല്‍ ഇതു സംബന്ധിച്ചു കര്‍ണാടക സര്‍കാരിനോ വനം വകുപ്പിനോ അറിവുണ്ടായിരുന്നില്ല. ഈ പശ്ചാത്തലത്തിലാണ് ബഫര്‍ സോണ്‍ അടയാളപെടുത്തലാണോ ഇതെന്ന ആശങ്ക അയ്യന്‍ക്കുന്ന് പഞ്ചായതിലെ ജനങ്ങളില്‍ ഉയര്‍ന്നത്.

ഇതിനു ശേഷം ഇവര്‍ പയ്യാവൂരില്‍ മാര്‍കിങ് നടത്തവേ പയ്യാവൂര്‍ പൊലീസ് കസ്റ്റഡിയിലെടുക്കുകയും കണ്ണൂര്‍ എഡിഎമിന് മുന്‍പില്‍ ഹാജരാക്കുകയുമായിരുന്നു. എഡിഎമിന്റെ നിര്‍ദേശപ്രകാരമാണ് കലക്ടറുടെ അടുത്ത് വീണ്ടും അനുമതി തേടിയെത്തിയത്.

Keywords:  Collector says will book if survey is carried out without permission in Ayyan kunnu, Kannur, News, Warning, District Collector, Karnataka, Police, Custody, Kerala.