ജനുവരി രണ്ടാം വാരമാണ് സിപിഎം കൗണ്‍സിലറുടെ വാഹനത്തില്‍ ഒന്നരക്കോടി രൂപയുടെ ലഹരിവസ്തുക്കള്‍ കടത്തിയത്. കരുനാഗപ്പള്ളിയില്‍ വച്ചാണ് രണ്ട് ലോറികളിലായി കടത്തിയ ഒരു കോടി രൂപയുടെ നിരോധിത ലഹരി വസ്തുക്കള്‍ പൊലീസ് പിടികൂടുന്നത്. പൊലീസ് നടത്തിയ പരിശോധനയില്‍ ഒരു വാഹനത്തിന്റെ ഉടമ സിപിഎം ആലപ്പുഴ നോര്‍ത് ഏരിയാ സെന്റര്‍ അംഗവും നഗരസഭാ ക്ഷേമകാര്യ സ്റ്റാന്‍ഡിംഗ് കമറ്റി ചെയര്‍മാനുമായ എ ശാനവാസാണെന്ന് കണ്ടെത്തിയിരുന്നു.
എന്നാല്‍ ഇടുക്കി സ്വദേശിയായ പുത്തന്‍ പുരയ്ക്കല്‍ ജയന്‍ എന്നയാള്‍ക്ക് താന്‍ വാഹനം വാടകയ്ക്ക് നല്‍കിയതാണെന്നും ലഹരി കടത്തില്‍ തനിക്ക് പങ്കില്ലെന്നുമായിരുന്നു ശാനവാസ് നല്‍കിയ വിശദീകരണം. ലഹരി വസ്തുക്കള്‍ കടത്തിയ കേസിലെ പ്രതികളില്‍ രണ്ട് പേര്‍ സിപിഎം പ്രാദേശിക നേതാക്കളായതും പാര്‍ടിയെ പ്രതിക്കൂട്ടിലാക്കിയിരുന്നു. ഇതുസംബന്ധിച്ച് പാര്‍ടിയുടെ അന്വേഷണവും പുരോഗമിക്കുന്നുണ്ട്. അടുത്തയാഴ്ചയോടെ പാര്‍ടി കമീഷന്‍ ലഹരിക്കടത്തില്‍ റിപോര്‍ട് സമര്‍പ്പിക്കുമെന്നാണ് സൂചന.
ഏതായാലും പൊലീസ് ക്ലീന്‍ ചിറ്റ് നല്‍കിയതോടെ ശാനവാസിന് ആശ്വസിക്കാം.
Keywords: Clean chit to CPM leader A Shanawas in drug trafficking case, Thiruvananthapuram, News, Police, Report, Drugs, CPM, Politics, Kerala.