ബി എസ് എഫ് ഡെപ്യൂടി കമാന്‍ഡന്റ് അജിത് സിങ്ങിനാണ് അന്വേഷണ ചുമതല. ഈ മാസം അവസാനത്തോടെ റിപോര്‍ട് സമര്‍പ്പിക്കാനാണ് നിര്‍ദേശം. കേന്ദ്ര സേനകളിലെ സ്‌നിഫര്‍ നായ്ക്കളുടെ പ്രജനനത്തിനും പരിശീലനത്തിനും ഭക്ഷണത്തിനുമെല്ലാം പ്രത്യേക മാര്‍ഗനിര്‍ദേശങ്ങളുണ്ട്. ബി എസ് എഫ് ക്യാംപിലടക്കമാണ് ഇവയെ ഡ്യൂടിക്ക് നിയോഗിക്കാറ്. ക്യാംപിന് പുറത്തുപോകാന്‍ അനുവദിക്കാറുമില്ല.
തെരുവ് നായ്ക്കള്‍ക്ക് ക്യാംപിലേക്ക് പ്രവേശിക്കാനുമാകില്ല. ഈ സാഹചര്യത്തിലാണ് ലെല്‍സി എന്ന നായ ഗര്‍ഭം ധരിച്ചതിനെച്ചൊല്ലി സുരക്ഷാ വീഴ്ചയിലടക്കം സംശയമുയര്‍ന്നിരിക്കുന്നത്. ഡിസംബര്‍ അഞ്ചിന് ബോര്‍ഡര്‍ ഔട് പോസ്റ്റിലെ ബാഗ്മാരയിലാണ് ലെല്‍സി മൂന്ന് നായ്കുട്ടികള്‍ക്ക് ജന്മം നല്‍കിയത്.
വെറ്ററിനറി ഡോക്ടറുടെ മേല്‍നോട്ടത്തിലാണ് നായ്ക്കളുടെ പ്രജനനം നടത്തുന്നത്. ഈ സാഹചര്യത്തില്‍ നായയെ കൈകാര്യം ചെയ്യുന്നവരുടെ അശ്രദ്ധ മൂലമായിരിക്കാം ഇത് സംഭവിച്ചതെന്ന് മുതിര്‍ന്ന ബി എസ് എഫ് ഉദ്യോഗസ്ഥന്‍ പ്രതികരിച്ചു.
Keywords: After Sniffer Dog Delivers 3 Pups, Border Force Probing How It Got Pregnant At All, News, Child, Dog, Stray-Dog, Probe, Report, BSF Jawans, National.