Alert | മുല്ലപ്പെരിയാര്‍ അണക്കെട്ട്: ജലനിരപ്പ് 141 അടിയായി ഉയര്‍ന്നു; ജാഗ്രത നിര്‍ദേശം നല്‍കി തമിഴ്‌നാട്
Dec 14, 2022, 08:26 IST
ഇടുക്കി: (www.kvartha.com) മുല്ലപ്പെരിയാര്‍ അണക്കെട്ടിന്റെ ജലനിരപ്പ് 141 അടിയായി ഉയര്‍ന്നതോടെ തമിഴ്‌നാട് രണ്ടാമത്തെ ജാഗ്രത നിര്‍ദേശം നല്‍കി. മഴയും തമിഴ്‌നാട് കൊണ്ടുപോകുന്ന വെള്ളത്തിന്റെ അളവ് കുറച്ചതുമാണ് ജലനിരപ്പ് ഉയരാന്‍ കാരണം.
ഡിസംബര്‍ മൂന്നിനാണ് ജലനിരപ്പ് 140 അടി ആയത്. ഞായര്‍ രാവിലെ ആറിന് ജലനിരപ്പ് 140.75 അടി എത്തി. പിന്നീട് 24 മണിക്കൂറിനുള്ളില്‍ അണക്കെട്ടിലേക്ക് സെകന്‍ഡില്‍ 538 ഘനയടി വീതം വെള്ളം ഒഴുകിയെത്തി.
നിലവില്‍ സെകന്‍ഡില്‍ 511 ഘനയടി വെള്ളം മാത്രമാണ് തമിഴ്‌നാട് കൊണ്ടു പോകുന്നത്.
മഴയ്ക്ക് സാധ്യത നിലനില്‍ക്കുന്നതിനാല്‍ സുപ്രീംകോടതി നിശ്ചയിച്ച 142 അടി എത്താനുള്ള സാധ്യത ഏറെയാണ്. പരമാവധി സംഭരണ ശേഷിയായ 142 അടി വെള്ളം മുല്ലപ്പെരിയാറില്‍ സംഭരിക്കാം. ജലനിരപ്പ് ഉയര്‍ന്നതിനാല്‍ കൂടുതല്‍ വെള്ളം തമിഴ്‌നാട്ടിലേക്ക് കൊണ്ടു പോകണമെന്ന് സംസ്ഥാനം ആവശ്യപ്പെട്ടിട്ടുണ്ട്.
Keywords: News,Kerala,State,Top-Headlines,Mullaperiyar,Mullaperiyar Dam,Dam,Rain, Water level of Mullaperiyar Dam 141 feet: Tamil Nadu issued alert
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
