ഹൈദരാബാദ്: (www.kvartha.com) മുതിര്‍ന്ന തെലുങ്ക് നടനും നിര്‍മാതാവുമായ ചലപതി റാവു അന്തരിച്ചു. 78 വയസായിരുന്നു. കുടുംബവുമായി ബന്ധപ്പെട്ട അടുത്ത വൃത്തങ്ങളാണ് മരണവിവരം അറിയിച്ചത്. തെലുങ്ക് നടനും സംവിധായകനും നിര്‍മാതാവുമായ രവി ബാബു മകനാണ്. ചലച്ചിത്രമേഖലയില്‍ നിന്ന് നിരവധി പേര്‍ അദ്ദേഹത്തിന്റെ നിര്യാണത്തില്‍ അനുശോചനം രേഖപ്പെടുത്തി.
എന്‍ ടി രാമറാവു, കൃഷ്ണ, അക്കിനേനി നാഗാര്‍ജുന, ചിരഞ്ജീവി, വെങ്കിടേഷ്, അല്ലു അര്‍ജുന്‍, പ്രഭാസ് തുടങ്ങിയവര്‍ക്കൊപ്പം വിലനായും സഹനടനായും വേഷമിട്ട നടനാണ് ചലപതി റാവു. 600-ലേറെ ചിത്രങ്ങളിലാണ് അദ്ദേഹം വേഷമിട്ടത്. യമഗോള, യുഗപുരുഷുഡു, ബൊബ്ബിലി പുലി, അല്ലാരി, അരുന്ധതി, സിംഹ, കിക്ക്, റിബല്‍, സരൈനോഡു, ജയ ജാനകി നായക, വിനയ വിധേയ രാമ, തുടങ്ങിയവയാണ് അഭിനയിച്ച ചിത്രങ്ങളില്‍ ചിലത്.
നാഗ ചൈതന്യ, നാഗാര്‍ജുന എന്നിവര്‍ മുഖ്യവേഷങ്ങളില്‍ അഭിനയിച്ച ബംഗര്‍ രാജുവാണ് പുറത്തിറങ്ങിയ അവസാനചിത്രം. 2020-ല്‍ ചതരംഗം എന്ന തെലുങ്ക് വെബ്‌സീരീസിലും വേഷമിട്ടു. ഏഴ് ചിത്രങ്ങള്‍ നിര്‍മിച്ചിട്ടുമുണ്ട്.
విలక్షణమైన నటుడు,తనదైన శైలి తో తెలుగు ప్రేక్షకుల అభిమానాన్ని చూరగొన్న శ్రీ చలపతి రావు గారి అకాల మరణ వార్త నన్ను కలచివేసింది.ఎన్నో చిత్రాల్లో ఆయన తో నేను కలిసి నటించడం జరిగింది. ఆయన ఆత్మకు శాంతి చేకూరాలని కోరుకుంటూ, రవి బాబు కి, ఆయన కుటుంబ సభ్యులందరికీ నా ప్రగాఢ సానుభూతి.
— Chiranjeevi Konidela (@KChiruTweets) December 25, 2022
Keywords: News,National,India,Hyderabad,Actor,Death,Cinema,Entertainment,Obituary, Veteran Telugu actor Chalapathi Rao passes away