നിരവധി യുവാക്കൾ വിവാഹ വേഷങ്ങൾ ധരിച്ച്, കുതിരപ്പുറത്ത് കയറി, ബാൻഡ് വാദ്യത്തിന്റെ അകമ്പടിയോടെ കലക്ടറുടെ ഓഫീസിലെത്തി തങ്ങൾക്ക് വധുക്കളെ ആവശ്യപ്പെട്ട് നിവേദനം നൽകി. മഹാരാഷ്ട്രയിലെ ലിംഗാനുപാതം മെച്ചപ്പെടുത്തുന്നതിന് പ്രീ-കൺസെപ്ഷൻ ആൻഡ് പ്രീ-നാറ്റൽ ഡയഗ്നോസ്റ്റിക് ടെക്നിക്‌സ് (PCPNDT) നിയമം കർശനമായി നടപ്പാക്കണമെന്നും നിവേദനത്തിൽ ആവശ്യപ്പെടുന്നു.
'ആളുകൾ ഈ മാർച്ചിനെ പരിഹസിച്ചേക്കാം, എന്നാൽ സംസ്ഥാനത്ത് ആൺ-പെൺ അനുപാതം താളം തെറ്റിയതിനാൽ വിവാഹപ്രായമായ യുവാക്കൾക്ക് വധുക്കളെ ലഭിക്കുന്നില്ല എന്നതാണ് ഭീകരമായ യാഥാർത്ഥ്യം', ജ്യോതി ക്രാന്തി പരിഷത്ത് സ്ഥാപകൻ രമേഷ് ബരാസ്‌കർ പറഞ്ഞു. മഹാരാഷ്ട്രയിലെ ലിംഗാനുപാതം 1000 ആൺകുട്ടികൾക്ക് 889 പെൺകുട്ടികളാണ്. പെൺ ഭ്രൂണഹത്യ കാരണം ഈ അസമത്വം നിലനിൽക്കുന്നു, ഈ അസമത്വത്തിന് സർക്കാരാണ് ഉത്തരവാദിയെന്നും അദ്ദേഹം ആരോപിച്ചു.
Keywords: Ratio Skewed, Bachelors' March For Brides In Maharashtra, National,News,Top-Headlines,Latest-News,Maharashtra,Government,Bride.