സുപ്രീം കോടതിയിലെയും ഹൈക്കോടതിയിലെയും ജഡ്ജുമാരുടെ വിരമിക്കല്‍ പ്രായം വര്‍ധിപ്പിക്കാന്‍ നിര്‍ദേശമില്ലെന്ന് ജൂലൈയില്‍ നിയമമന്ത്രി കിരണ്‍ റിജിജു പാര്‍ലമെന്റിനെ അറിയിച്ചിരുന്നു. ബിജെപി എംപിയും മുന്‍ ബിഹാര്‍ ഉപമുഖ്യമന്ത്രിയുമായ സുശീല്‍ മോദി അധ്യക്ഷനായ പേഴ്സണല്‍, ലോ, ജസ്റ്റിസ് എന്നീ പാര്‍ലമെന്ററി സമിതി മുമ്പാകെയാണ് നീതിന്യായ വകുപ്പ് ഇക്കാര്യം വ്യക്തമാക്കിയത്.
കേന്ദ്ര-സംസ്ഥാന തലങ്ങളില്‍ സര്‍ക്കാര്‍ ജീവനക്കാര്‍, പൊതുമേഖലാ സ്ഥാപനങ്ങള്‍, കമ്മീഷനുകള്‍ മുതലായവയ്ക്ക് സമാനമായ ആവശ്യങ്ങള്‍ ഉന്നയിക്കാമെന്നതിനാല്‍ ജഡ്ജുമാരുടെ വിരമിക്കല്‍ പ്രായം വര്‍ദ്ധിപ്പിക്കുന്നത് വികലമായ ഫലമുണ്ടാക്കുമെന്ന് നീതിന്യായ വകുപ്പ് പറഞ്ഞു. അതിനാല്‍ ഈ തീരുമാനം നടപ്പാക്കുന്നതിന് മുമ്പ് അത് പരിശോധിക്കണമെന്നും അതിന് ശേഷമേ തീരുമാനമെടുക്കാവൂ എന്നും വകുപ്പ് അറിയിച്ചു. സുപ്രീം കോടതിയിലെയും ഹൈക്കോടതിയിലെയും ജഡ്ജുമാരുടെ വിരമിക്കല്‍ പ്രായം ഉയര്‍ത്തുന്നതിനുള്ള സാധ്യത ഉള്‍പ്പെടെയുള്ള ജുഡീഷ്യല്‍ നടപടിക്രമങ്ങളുടെയും പരിഷ്‌കാരങ്ങളുടെയും വിശദാംശങ്ങളും നീതിന്യായ വകുപ്പ് പാര്‍ലമെന്ററി സമിതിക്ക് സമര്‍പ്പിച്ച റിപ്പോര്‍ട്ടില്‍ ഉള്‍പ്പെടുത്തിയിട്ടുണ്ട്.
Keywords: Latest-News, National, Top-Headlines, Government-of-India, Law, Judge, Supreme Court, High-Court, Retirement, Ministry, 'Raising Judges' Retirement Age May Lead To...'; Law Ministry.
< !- START disable copy paste -->