മുന്‍ പിസിസി അധ്യക്ഷന്‍ സുഖ്വിന്ദര്‍ സിങ് സുഖുവിനാണ് മുന്‍ഗണന. കൂടാതെ അന്തരിച്ച മുന്‍മുഖ്യമന്ത്രി വീര്‍ഭദ്രസിങ്ങിന്റെ ഭാര്യ പ്രതിഭാ സിങ്, പ്രചാരണ ചുമതലയുണ്ടായിരുന്ന മുന്‍ പിസിസി അധ്യക്ഷന്‍ സുഖ്വിന്ദര്‍ സിങ് സുഖു, പ്രതിപക്ഷ നേതാവ് മുകേഷ് അഗ്‌നിഹോത്രി എന്നിവരുടെ പേരുകളും മുഖ്യമന്ത്രി സ്ഥാനത്തേക്ക് ഉയര്‍ന്നു കേള്‍ക്കുന്നു.
പ്രിയങ്കയും കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെയും ചേര്‍ന്നാണ് ഹിമാചല്‍ തിരഞ്ഞെടുപ്പിന്റെ തന്ത്രങ്ങള്‍ രൂപപ്പെടുത്തിയത്. ബിജെപിയെ പരാജയപ്പെടുത്തി ഭരണം പിടിക്കാനായത് പ്രിയങ്കയുടെ തൊപ്പിയിലെ പൊന്‍തൂവലായി.
പാര്‍ടിയുടെ ഭാഗമായി പ്രചാരണത്തിനു ചുക്കാന്‍ പിടിച്ച പ്രിയങ്കയുടെ ആദ്യ വിജയമാണ് ഹിമാചലിലേത്. നേരത്തേ യുപി തിരഞ്ഞെടുപ്പിന്റെ പ്രചാരണ ചുമതല ഉണ്ടായിരുന്നെങ്കിലും പരാജയപ്പെടുന്ന കാഴ്ചയാണ് കണ്ടത്. സിര്‍മൗര്‍, കംഗ്ര, സോലന്‍, ഉന തുടങ്ങിയ സ്ഥലങ്ങളിലെ റാലിയില്‍ അഗ്‌നിപഥും വിലക്കയറ്റവും തൊഴിലില്ലായ്മയും പഴയ പെന്‍ഷന്‍ സ്‌കീമുമാണ് പ്രിയങ്ക ഉയര്‍ത്തിയത്.
Keywords: Priyanka Gandhi Likely To Name Himachal Chief Minister: Sources, Himachal Pradesh, News, Politics, Congress, Chief Minister, Trending, Priyanka Gandhi, National.