പെൻഷൻ ഫണ്ട് റെഗുലേറ്ററി ആൻഡ് ഡെവലപ്‌മെന്റ് അതോറിറ്റി (PFRDA) കോവിഡ് മഹാമാരി സമയത്ത് സ്വയം പ്രഖ്യാപനത്തിലൂടെ എൻപിഎസ് തുക പിൻവലിക്കൽ സുഗമമാക്കുന്നതിന് മാനദണ്ഡങ്ങളിൽ ഇളവ് വരുത്തിയിരുന്നു. എന്നാൽ, കോവിഡ് മാനദണ്ഡങ്ങൾ പിൻവലിക്കുകയും ലോക്ക്ഡൗൺ നിയമങ്ങളിൽ ഇളവ് വരുത്തുകയും ചെയ്തതോടെയാണ് പഴയ ചട്ടങ്ങൾ പുനസ്ഥാപിക്കാൻ തീരുമാനിച്ചത്. അതേസമയം സർക്കാരിതര എൻപിഎസ് ഉപഭോക്താക്കൾക്ക് ഇപ്പോഴും ഈ ആനുകൂല്യം ലഭിക്കും.
എല്ലാ പൊതുമേഖലാ ഉപഭോക്താക്കളും എൻപിഎസിൽ നിന്ന് ഭാഗികമായി പിൻവലിക്കുന്നതുമായി ബന്ധപ്പെട്ട അപേക്ഷ ബന്ധപ്പെട്ട നോഡൽ ഓഫീസിൽ സമർപ്പിക്കണമെന്ന് പിഎഫ്ആർഡിഎ സർക്കുലറിൽ അറിയിച്ചു.
ഭാഗിക പിൻവലിക്കലിന് ഈ വ്യവസ്ഥകൾ പാലിക്കേണ്ടതുണ്ട്
1) വരിക്കാരൻ കുറഞ്ഞത് മൂന്ന് വർഷമെങ്കിലും എൻപിഎസിൽ ഉണ്ടായിരിക്കണം
2) പിൻവലിക്കൽ തുക സംഭാവനകളുടെ 25 ശതമാനത്തിൽ കൂടരുത്
3) അനോയോജ്യമായ കാരണങ്ങളിൽ മാത്രമാണ് പിൻവലിക്കൽ അനുവദിക്കുക, ഉദാഹരണത്തിന്;
* കുട്ടികളുടെ ഉന്നത വിദ്യാഭ്യാസം
* കുട്ടികളുടെ വിവാഹം
* വീട് വാങ്ങുന്നതിന് അല്ലെങ്കിൽ നിർമാണത്തിന് (നിർദിഷ്ട വ്യവസ്ഥകളിൽ)
* ഗുരുതരമായ രോഗങ്ങളുടെ ചികിത്സയ്ക്കായി
Keywords: NPS partial withdrawal rule to change from January, National,News,Top-Headlines, Latest-News,New Delhi,Pension,Government,COVID19.