Allegations | ആള്‍ദൈവമല്ല, പൂജകള്‍ നടത്തിയത് കുടുംബക്ഷേത്രവുമായി ബന്ധപ്പെട്ട്; 55 പവന്‍ സ്വര്‍ണാഭരണവും 1.5 ലക്ഷം രൂപയും മോഷ്ടിച്ചതല്ല; പരാതിക്കാര്‍ പണയം വയ്ക്കാന്‍ തന്നത്; ആരോപണങ്ങളില്‍ വിശദീകരണവുമായി വിദ്യ
Dec 11, 2022, 15:33 IST
തിരുവനന്തപുരം: (www.kvartha.com) വെള്ളായണിയില്‍ മന്ത്രവാദത്തിന്റെയും പൂജയുടെയും മറവില്‍ 55 പവന്‍ സ്വര്‍ണാഭരണവും 1.5 ലക്ഷം രൂപയും തട്ടിയെടുത്തുവെന്ന പരാതിയില്‍ വിശദീകരണവുമായി ആള്‍ദൈവമെന്ന് അറിയപ്പെടുന്ന കളിയിക്കാവിള സ്വദേശി വിദ്യ. പരാതിയില്‍ പറയുന്നതുപോലെ താന്‍ സ്വര്‍ണം മോഷ്ടിച്ചതല്ലെന്നും പരാതിക്കാര്‍ പണയം വയ്ക്കാനായി നല്‍കിയതാണെന്നും വിദ്യ പറയുന്നു. ആള്‍ദൈവമായി പൂജകള്‍ നടത്താറില്ലന്നും അവര്‍ വ്യക്തമാക്കി.
സ്വര്‍ണം കൈവശമുണ്ടെന്നു സമ്മതിച്ച വിദ്യ, എന്നാല്‍ അതൊന്നും തന്നെ മോഷ്ടിച്ചതല്ലെന്നും ക്ഷേത്രത്തിലെ കടബാധ്യത തീര്‍ക്കാനായി അവര്‍ തന്നെ നല്‍കിയതാണെന്നും അറിയിച്ചു. വെള്ളായണിയിലെ വീട്ടില്‍ പോയിട്ടുണ്ടെങ്കിലും പൂജ നടത്തിയിട്ടിയില്ല, ആള്‍ദൈവമല്ല, കുടുംബക്ഷേത്രവുമായി ബന്ധപ്പെട്ടാണ് പൂജകള്‍. 55 പവന്‍ സ്വര്‍ണാഭരണങ്ങളില്‍ പകുതി സ്വര്‍ണം തിരികെ നല്‍കിയെന്നും അവശേഷിക്കുന്നവ 21ന് നല്‍കുമെന്നും അവര്‍ പൊലീസിനെ അറിയിച്ചു.
നേമം വെള്ളായണി ശിവോദയം റോഡില്‍ കൊടിയില്‍ വീട്ടില്‍ വിശ്വംഭരന്റെ മകള്‍ വിനിതുവാണ് ഇതു സംബന്ധിച്ച് നേമം പൊലീസില്‍ പരാതി നല്‍കിയത്. കുടുംബത്തിലെ തുടര്‍ചയായ ദുര്‍മരണങ്ങള്‍ക്കു പരിഹാരമെന്നു വിശ്വസിപ്പിച്ചു തമിഴ്‌നാട് സ്വദേശികളായ പിതാവും മകളും ചേര്‍ന്ന് സ്വര്‍ണവും പണവും കവര്‍ന്നു എന്നാണ് വിനിതുവിന്റെ പരാതി.
ഒന്നര വര്‍ഷം മുന്‍പാണ് പരാക്കിടയാക്കിയ സംഭവം നടന്നത്. മന്ത്രവാദത്തോടനുബന്ധിച്ച് തങ്ങളില്‍ നിന്നു സ്വര്‍ണവും പണവും വാങ്ങി വീട്ടിലെ അലമാരയില്‍ പൂട്ടി വച്ചു എന്നും ആദ്യം 15 ദിവസത്തിനുശേഷം തുറന്ന് എടുക്കാം എന്നു പറഞ്ഞാണ് തട്ടിപ്പുകാര്‍ സ്ഥലം വിട്ടതെന്ന് പരാതിക്കാരി പറഞ്ഞു. ഇതിനിടെ അലമാര തുറക്കാന്‍ പല മാസങ്ങളുടെ ഇടവേളകള്‍ നിര്‍ദേശിച്ചു.
പിന്നീട് അലമാര തുറന്നു പരിശോധിച്ചപ്പോള്‍ അതില്‍ സ്വര്‍ണവും പണവും ഒന്നും ഇല്ലായിരുന്നു. തുടര്‍ന്ന് ഇതുസംബന്ധിച്ച് മുഖ്യമന്ത്രി അടക്കമുള്ളവര്‍ക്ക് പരാതി നല്‍കിയെന്നും വിനിതു പറഞ്ഞു.
അതേസമയം തട്ടിപ്പു സംഘത്തിനുമേല്‍ മറ്റു നടപടികള്‍ വേണ്ടെന്നും തട്ടിയെടുത്ത സ്വര്‍ണം തിരികെ വാങ്ങി നല്‍കിയാല്‍ മതിയെന്നുമുള്ള പരാതിക്കാരുടെ ആവശ്യമനുസരിച്ച് പകുതിയിലധികം സ്വര്‍ണവും തട്ടിപ്പുകാരില്‍ നിന്നു വാങ്ങി നല്‍കിയിട്ടുണ്ടെന്നു നേമം പൊലീസ് പറഞ്ഞു.
Keywords: Money extortion in the name of ritual; Vidya denies allegations, Thiruvananthapuram, News, Police, Robbery, Allegation, Complaint, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
